மாணவர் முரசு
இ-பேப்பர்
புதுடெல்லி: எதிர்பார்த்தபடி தேர்தல் கூட்டணி அமையாத நிலையில், தேர்தல் களத்தில் தனித்து விடப்பட்டுள்ள பாஜக, முதற்கட்ட வேட்பாளர் பட்டியலை வெளியிட்டுள்ளது. இம்முறை அக்கட்சியின் முக்கிய நிர்வாகிகள் பலர் தேர்தல்களம் காண்கின்றனர். பாரதிய ஜனதா தேசியச் செயலர் ஹெச்.ராஜா சென்னையில் உள்ள தியாகராய நகரில் களமிறக்கப்பட்டுள்ளார். தமிழக பாஜக துணைத் தலைவரான வானதி சீனிவாசன் கோவை தெற்கு தொகுதியில் போட்டியிட உள்ளார். இம்முறை மாநிலத் தலைவி தமிழிசை சௌந்தரராஜனும் தேர்தல் களம் காண உள்ளதாக கட்சித் தலைமை அறிவித்துள்ளது. எனினும் அவருக்கான தொகுதி பின்னர் அறிவிக்கப்பட உள்ளது.
54 வேட்பாளர்கள் அடங்கிய முதற்கட்ட பட்டியலை மத்திய அமைச்சரும் பாஜக தேர்தல் குழு செயலாளருமான ஜே.பி.நட்டா புதுடெல்லியில் நேற்று முன்தினம் வெளியிட்டார். விரைவில் அடுத்த பட்டியல் வெளியாகும் எனத் தெரிகிறது
