கதாநாயகியை மையமாக வைத்து உருவாகிறது 'நிஜமா நிழலா'. பி.வி.சீனிவாசன் இயக்குகிறார். கதாநாயகியாக நடிப்பது மாளவிகா மேனன். "அம்மா, அப்பா, சகோதரன் என மூவரையும் காப்பாற்ற வேலைக்கு செல்கிறாள் கதாநாயகி. நேர்மையுடன் வாழவேண்டும் என்று எண்ணுகிறாள். இதனால் சமூகத்தில் அவமானங்கள், இன்னல்களை சந்திக்க நேர்கிறது.
எது நிஜம்? எது நிழல்? என்பது புரிவதற்காக சில பிரச்சினைகளைக் கையிலெடுக்கிறாள். அது எதிர்பாராத விளைவுகளைத் தருகிறது," என்கிறார் சீனிவாசன். இப்படத்தில் அகில்குமார் நாயகனாக நடிக்க குஷால், நந்தலாலா, அசோக் பாண்டியன், தீபா ஆகியோரும் உள்ளனர். "கதாநாயகிக்கு முக்கியத்துவம் உள்ள வேடத்தில் நடிப்பது மகிழ்ச்சி தருகிறது. இந்தப் படம் எனக்கு ரசிகர்களிடம் நற்பெயரைப் பெற்றுத் தரும்," என்கிறார் மாளவிகா.