இங்கிலாந்து: கேப்பிட்டல் ஒன் என்னும் லீக் கிண்ண இறுதிப்போட்டியில் பங்குபெறும் பொன்னான வாய்ப்பை லிவர்பூல் அணிக்குப் பெற்றுத் தந்துள்ளார் மாற்றாக அந்த அணியில் சேர்ந்த ஆட்டக்காரர் ஜோர்டன் ஐப். மத்திய இங்கிலாந்தில் உள்ள பிரிட்டானியா விளையாட்டரங்கில் நேற்று கேப்பிட்டல் ஒன் கிண்ணத்திற்கான முதல் சுற்று ஆட்டம் நடை பெற்றது. அந்த ஆட்டத்தில் லிவர்பூல் அணி, ஸ்டோக் சிட்டி அணியுடன் பொரு தியது. ஆட்டத்தின் முதற்பாதியிலேயே மத்திய திடல் ஆட்டக்காரரான பிலிப் கோட்டின்ஹோவும் தற்காப்பு ஆட்டக்காரரான டேஜன் லோவ்ரெனும் காலில் ஏற்பட்ட காயங்களுக்காக ஆட்டத்தில் இருந்து வெளியாக நேர்ந்தது.
பிலிப் கோர்ட்டின்ஹோவுக்குப் பதிலாக மாற்று ஆட்டக்காரராக ஜோர்டன் ஐப்பும், டேஜன் லோவ்ரெனுக்குப் பதிலாக மாற்று ஆட்டக்காரராக ஜேம்ஸ் மில்நெரும் சேர்க்கப்பட்டனர். இந்த வெற்றியின் மூலம் லிவர்பூல் அணி இன்னும் மூன்று வாரங்களில் நடக்கவிருக்கும் இரண்டாம் சுற்று ஆட்டத்தில் மீண்டும் ஸ்டோக் சிட்டி அணியுடன் பொருதும். அந்த ஆட்டத்தில் வெல்லும் அணி, எவர்ட்டன் அல்லது மான்செஸ்டர் சிட்டி அணியுடன் வெம்பிளியில் நடக்கவிருக்கும் இறுதி ஆட்டத்தில் பொருதும்.
ஸ்டோக் சிட்டி அணி அண்மையில் செல்சி, மான்செஸ்டர் சிட்டி, மான்செஸ்டர் யுனைடெட் ஆகிய அணிகளுடன் பொருதியபோது அபார ஆற்றலையும் வேகத்தையும் வெளிப்படுத்திய அணியாகத் திகழ்ந்தது. ஆனால் நேற்று நடந்த இந்த ஆட்டத்தில் அந்த ஆற்றலை வெளிப்படுத்த தவறி விட்டதாகக் கூறப்படுகிறது.
'கேப்பிட்டல் ஒன்' கிண்ண முதல் சுற்று ஆட்டத்தின் அரை இறுதி ஆட்டம் நேற்று மத்திய இங்கிலாந்தின் பிரிட்டானியா விளையாட்டரங்கில் நடைபெற்றது. அதில் ஸ்டோக் அணியை லிவர்பூல் அணி 1=0 என்ற கோல் கணக்கில் தோற்கடித்து இரண்டாம் சுற்றுக்குள் காலடி எடுத்து வைக்கவுள்ளது. ஸ்டோக் சிட்டியின் கோல் காப்பாளரான ஜேக் பட்லேண்ட்=ஐ (நடுவில்) திணறடித்த லிவர்பூல் அணியின் மத்திய திடல் ஆட்டக்காரர் ஜோர்டன் ஐப் (இடது).