சிட்னி: சிறந்த அதிரடி பந்தடிப்பாளர்களில் ஒருவர் கிறிஸ் கெய்ல். வெஸ்ட் இண்டீசை சேர்ந்த இவர் ஆஸ்திரேலியாவின் மெல்போர்னில் நடைபெற்று வரும் பிக்பாஷ் 20 ஓவர் போட்டியில் விளையாடி வருகிறார். இந்தப் போட்டியின் இடையே ஆஸ்திரேலிய தொலைக்காட்சி ஒன்றின் பெண் நிருபர், மெக்மெக்லின் கெய்லிடம் பேட்டி எடுத்தார். அப்போது கிரிக்கெட் வீரர் கெய்ல், அவரைப் பேட்டி கண்ட அழகான பெண் நிருபரின் அழகை வர்ணித்ததோடு அவரை மது விருந்துக்கும் அழைத்திருக்கிறார். கெய்லின் இந்தச் செய்கையால் செய்தியாளர் அதிர்ச்சிக் குள்ளானார். இதற்காக கெய்லுக்கு 7,000 டாலர் அபராதம் விதிக்கப்பட்டது.
வேடிக்கைக்காகத்தான் அவ்வாறு அந்தச் செய்தியாளரிடம் பேசினேன். அதற்காக நான் மிகவும் வருத்தப் படுகிறேன் என்று பின்னர் அவர் மன்னிப்புக் கேட்டார். இந்நிலையில் மீண்டும் ஒரு சர்ச்சையைக் கிளப்பும் வகையில் கெய்ல், சக நாட்டு வீரர் பிராவோவுடன் தான் இருக்கும் ஒரு புகைப்படத்தை கெயில் இணையத்தில் பகிர்ந்துள்ளார். அதில் 'செக்ஸ்செல்ஸ்' என்று எழுதப்பட்டுள்ள 'டி சர்டை' அணிந்துள்ளார். மேலும் தனக்கு விதிக்கப்பட்ட அபராதத்தை கிண்டல் செய்யும் விதமாக "என் பணப் பை காலியாக உள்ளது. எனவே இன்று இரவு உணவுக்கான பணத்தை பிராவோவின் கொடுக்கிறார்," என்று எழுதியுள்ளார்.2016-01-07 00:36:05 +0800