'ஃபைனான்சியல் டைம்ஸின்' முதுநிலைப் பட்டக் கல்விக்கான அண்மைய உலகத் தரவரிசைப் பட்டியலில் சிங்கப்பூரில் 'இன்சியட்' வர்த்தகப் பள்ளிக்கு முதலிடம் கிடைத்துள்ளது. ஆயர் ராஜா அவென்யூவில் அமைந்துள்ள இப்பள்ளி, ஹார்வர்ட், லண்டன் வர்த்தகப் பள்ளிகளைவிட மூன்று நிலை கள் உயர்ந்து முதல் இடத்தைப் பிடித்துள்ளது. ஹார்வர்ட் வர்த்தகப் பள்ளி இரண்டாவது நிலையையும் லண்டன் வர்த்தகப் பள்ளி மூன்றாவது நிலையையும் பெற்றுள்ளன. 'இன்சியட்' வர்த்தகப் பள்ளியின் வளாகங்கள் பாரிஸ், அபுதாபி ஆகிய நகரங்களிலும் அமைந்துள்ளன.
'இன்சியட்'டுக்கு இது மூன்றாவது வெற்றியாகும். அதன் 'சின்ஹுவா=இன்சியட் எக்சகியூடிவ் எம்பிஏ' பட்டக்கல்வி 'ஃபைனான்ஷியல் டைம்ஸ்' உலகத் தரப்பட்டியலில் முதல் இடத்தை ஏற்கெனவே பெற்றுவிட்டது. அதன் 'குளோபல் எம்பிஏ' பட்டக்கல்வி தனிப்பட்ட கல்வித் திட்டத்தில் முதல் இடத்தைப் பிடித்தது. 'இன்சியட்'டின் இந்தச் சாதனைக்கு அதன் முன்னாள் மாணவர்களும் கல்வித் திட்டத்தில் ஏற்பட்டுத்தப்பட்ட பல்வேறு மேம்பாடுகளுமே காரணம் என்று அதன் தலைவர் இலியன் மிஹோவ் கூறியுள்ளார்.