மலையாளத்தில் பெரிய வெற்றியைப் பெற்ற 'பிரேமம்' படத்தில் கதாநாயகியாக நடித்தவர் மடோனா. இவர் தற்போது விஜய் சேதுபதிக்கு ஜோடியாக 'காதலும் கடந்து போகும்' படத்தில் நடித்திருக்கிறார். இப்படத்தை 'சூதுகவ்வும்' படத்தை இயக்கிய நலன் குமரசாமி இயக்கி உள்ளார். இப்படம் பிப்ரவரி 12ஆம் தேதி வெளியாக இருக்கிறது. இது கொரிய மொழியில் வெளியான படத்தின் மறுபதிப்பாம். விஜய் சேதுபதி இப்படத்தில் கவுன்சிலரிடம் வேலை செய்பவராக நடித்திருக்கிறார்.
நாயகி மடோனா சென்னையில் வேலை தேடும் பெண்ணாக நடித்திருக்கிறார். இவருக்கும் விஜய் சேதுபதிக்கும் காதல் எப்படி உருவாகிறது என்பதே படத்தின் கதை. நகைச்சுவைப் பகுதியை தனியாக அமைக்காமல், கதையோடு ஒன்றிப் போவதுபோல் அமைத்திருக்கிறோம். இரு பாடல்கள், இரு சண்டைக் காட்சிகள் இடம்பெறுகின்றன. சமுத்திரக்கனி இப்படத்தில் காவல்துறை உதவி ஆய்வாளராக நடித்திருக்கிறார்.
நலன் இயக்கிய 'சூதுகவ்வும்' படத்தை விட முற்றிலும் மாறுபட்ட படமாக இருக்கும் என படக்குழுவினர் உறுதியளிக்கிறார்கள். இந்தப் படத்தில் மடோனாவின் நடிப்பைப் பார்த்து விஜய் சேதுபதி வியந்து போனாராம். அந்தளவிற்கு போட்டி போட்டு நடிப்பை வெளிப்படுத்தியிருக்கிறார் மடோனா. இதற்காக மடோனாவை வெகுவாகப் பாராட்டினாராம் விஜய் சேதுபதி. அதனால் மடோனா ரொம்பவே உற்சாகத்தில் உள்ளார்.