மாணவர் முரசு
இ-பேப்பர்
உடல் எடையைக் குறைக்க விரும்புவோர் ஆப்பிள், பேரிக்காய், பெர்ரி வகைப் பழங்களை அதிகமாக அருந்த வேண்டும் என்று அண்மைய ஆய்வு முடிவுகள் தெரிவிக்கின்றன. 'ஃபிளேவனாய்டு' அதிகமாக இருக்கும் பழங்கள், காய்கறிகள் உடல் எடை கூடுவதைத் தடுக்க வல்லவை. அமெரிக்காவில் 24 ஆண்டு காலத்தில் 124,086 பேரிடம் நடத்தப்பட்ட ஆய்வில் பழ, காய்கறி வகைகளில் இருக்கக் கூடிய ஏழு வகை 'ஃபிளேவனாய்டு'கள் எவ்வாறு எடை அதிகரிக்காமல் இருப்பதற்கு உதவும் என்று கண்டறியப்பட்டது.
ஏழு வகை 'ஃபிளேவ னாய்டு'கள் இருக்கும் பழ, காய் கறி வகைகளை உட்கொள்பவர் களின் எடை அதிகரிப்பதில்லை; அல்லது மெதுவாகத்தான் எடை அதிகரிக்கும் என்று ஆய்வு முடிவுகள் சுட்டின. ப்ளூபெர்ரி, ஸ்ட்ராபெர்ரி, தேநீர், ஆப்பிள், ஆரஞ்சுப் பழச் சாறு, வெங்காயம் போன்றவற்றில் 'ஃபிளேவனாய்டு'கள் அதிகம் உள்ளன. சிறியளவில் உடல் எடை குறைந்தாலும் நீரிழிவு, புற்று நோய், ரத்தக்கொதிப்பு, இதய நோய் போன்றவை வரக்கூடிய அபாயத்தைத் தவிர்க்கலாம். ஆகவே, இதுவரை இருந்து வந்த உடற்பருமன், அதனால் ஏற்படும் ஆரோக்கியப் பிரச்சினைகள் சார்ந்த அணுகுமுறைகளை அடுத்த கட்டத்துக்குக் கொண்டு போக இந்தக் கண்டுபிடிப்பு உதவும் என்று தெரிவிக்கப் பட்டது.
இரண்டு கோப்பைகள் நிறைய பழங்களையும் இரண்டரைக் கோப்பைகள் நிறைய காய்கறி களையும் நாம் அன்றாடம் உட்கொள்ள வேண்டும் அந்த ஆய்வுக் குழுவினர் பரிந்து உரைத்தனர். காய், கனி வகைகள் சமைக்கப்படும்போது நாம் அவற்றில் இருக்கும் ஃபிளேவ னாய்டு நுண்சத்துகளை இழக்க நேரிடும். அது மட்டுமின்றி, காய், கனிகளைக் குளிர்சாதனப் பெட்டியில் ஒரு நாளைக்கு மேல் வைத்திருந்தாலும் அதே போல ஃபிளேவனாய்டு அதன் இயல்பை இழக்கும்.
