மான்செஸ்டர்: செல்சியின் முன்னாள் நிர்வாகியான ஜோசே மொரின்யோவை மான்செஸ்டர் யுனைடெட் குழுவின் நிர்வாகியாக நியமனம் செய்வது குறித்து அவரது பிரதிநிதிகள் அக்குழுவுடன் பேச்சுவார்த்தை நடத்தியுள்ளதாக செய்திகள் வெளியாகியுள்ளன. செல்சியால் பதவி நீக்கம் செய்யப்பட்டதிலிருந்து மொரின்யோ யுனைடெட்டின் நிர்வாகியாகப் பொறுப்பேற்கக்கூடும் என்று பரவலாகப் பேசப்படுகிறது.
இந்தப் பருவத்தில் எதிர்பார்த்த அளவுக்கு யுனைடெட் வெற்றிகளைக் குவிக்காததால் அதன் நிர்வாகி வேன் ஹால் கடும் விமர்சனத்துக்கு ஆளாகியுள்ளார். அவருக்குப் பதிலாக மொரின்யோ யுனைடெட்டின் நிர்வாகியாகப் பொறுப்பேற்கக்கூடும் என்று எதிர்பார்க்கப்படுகிறது.