மாணவர் முரசு
இ-பேப்பர்
வாகன உரிமைச் சான்றிதழ் கட்டணங்கள் வீழ்ச்சியடந்துள்ளதை அடுத்து கார்களின் விற்பனை அதிகரித்திருப்பதாக வாகன விற்பனையாளர்கள் தெரிவித்துள்ளனர். 'பி' பிரிவு பெரிய வகைக் கார்களுக்கான 'சிஓஇ' கட்டணம் ஆறு ஆண்டுகளில் இல்லாத அளவுக்குக் குறைந்திருப்பதால் சிலர் அவ்வகைக் கார்களுக்கு பதிவு செய்துள்ளதாகவும் அவர்கள் கூறியுள்ளனர். சீனப் புத்தாண்டுக் கொண் டாட்டங்களை முன்னிட்டு காட்சிக் கூடத்தை மூடத் திட்டமிட்டிருந்த போர்னியோ மோட்டார்ஸ் நிறுவனம், வாடிக்கை யாளர்களின் வலுவான தேவை யைக் கருத்தில் கொண்டு நேற்றும் செயல்பட்டது. மேலும், ஹுண்டாய், நிஸ்ஸான் காட்சிக் கூடங்களிலும் கூட்டம் அதிகமாக இருந்ததாக சிஎன்ஏ தெரிவித்தது.
கடந்த வார 'சிஓஇ' ஏலத்தில் 'பி' பிரிவு கார்களுக்கான கட்டணம் 22.9% குறைந்து $38,600 ஆனது. 2010ஆம் ஆண்டு ஜூலை மாதத்திற்குப் பிற்பட்ட காலத்தில் இது ஆகக் குறைந்த கட்டணமாகும். மேலும், 'ஏ' பிரிவு கார்களுக்கான 'சிஓஇ' கட்டணம் 9% குறைந்து $46,700 ஆனது. இருப்பினும் 'பி' பிரிவு கார்களுக்கான 'சிஓஇ'ஐவிட இது அதிகம். பிப்ரவரி முதல் ஏப்ரல் மாதம் வரையிலான காலாண்டுக்கு கடந்த வாரம் நடந்த ஏலம் முதலாவதாகும். இந்தக் காலாண்டில், சென்ற காலாண்டைவிட கூடுதல் சிஓஇ ஒதுக்கப்பட்டுள்ளது. இருப்பினும், அடுத்துவரும் ஏலங்களில் 'சிஓஇ' கட்டணங்கள் உயரலாம் என நிபுணர் கள் கருத்துரைத்துள்ளனர். அடுத்த சிஓஇ ஏலம் இம் மாதம் மூன்றாம் வாரத்தில் நடைபெறும்.
