ஆஸ்திரேலியாவில் இரண்டாவது கர்ப்பிணிக்கு ஸிக்கா கிருமி தொற்று

13 Feb 2016 11:52 | மாற்றம் செய்யப்பட்ட நாள் / நேரம்: 14 Feb 2016 06:33

மெல்பர்ன்: ஆஸ்திரேலியாவின் குவீன்ஸ்லாந்தில் வசிக்கும் ஒரு கர்ப்பிணிக்கு ஸிக்கா கிருமி தொற்றியுள்ளதாக அதிகாரிகள் கூறியுள்ளனர். ஆஸ்திரேலியாவில் ஸிக்கா கிருமி தொற்று கண்ட இரண்டாவது கர்ப்பிணி அவர். பிரேசிலில் ஸிக்கா கிருமி பாதிப்பால் மூன்றாவது நபர் இறந்துள்ள நிலையில், வெனிசு வேலாவில் மூன்று பேர் ஸிக்கா கிருமியால் இறந்துள்ளதாக அந்நாட்டு அதிபர் கூறியுள்ளார். ஸிக்கா கிருமி பாதிக்கப்படும் கர்ப்பிணிகளுக்கு சிறிய தலை, மூளை பாதிப்பு, பார்வைக் குறை பாடு, நரம்பு மண்டல பாதிப்புகளுடன் குழந்தைகள் பிறக்கின்றன. 33 நாடுகளில் ஸிக்கா கிருமி பாதிப்பு இருப்பதாக உலகச் சுகாதார நிறுவனம் தெரிவித்து உள்ளது.