பார்சிலோனா: ஸ்பானிய லீக்கின் கடந்த மாதத்திற்கான ஆகச் சிறந்த ஆட்டக்காரர் விருதை பார்சிலோனா குழுவின் நட்சத்திர வீரர் லயனல் மெஸ்சி வென்றுள்ளார். இதற்கு முன்பு பார்சிலோனாவின் நெய்மார் இந்த விருதைக் கடந்த ஆண்டு நவம்பர் மாதம் வென்றிருந்தார். ரியால் மட்ரிட் அணியின் கிறிஸ்டியானோ ரொனால்டோ இரண்டு முறை இவ்விருதைப் பெற்றுள்ளார்.
கிரானாடா அணிக்கு எதிராக மெஸ்சி 'ஹாட்ரிக்' கோல் அடித்திருந்தார். அத்துடன் அட்லெட்டிக் பில்பாவ், மலாகா, அட்லெட்டிகோ மட்ரிட் ஆகிய அணிகளுக்கு எதிராக பார்சிலோனா வெற்றி பெற முக்கிய பங்கு வகித்தார். தமது அதிரடியாட்டத்தினால் ரசிகர்களைப் பிரம்மிப்பூட்டும் மெஸ்சிக்கு இந்த விருது கிடைத்திருப்பது இதுவே முதல்முறை என்பது குறிப்பிடத்தக்கது.