தனியார் வீடுகள் விற்பனை சரிவு

16 Feb 2016 08:42 | மாற்றம் செய்யப்பட்ட நாள் / நேரம்: 17 Feb 2016 07:42

தனியார் வீடுகள் விற்பனை கடந்த மாதம் குறைந்தது. கடந்த ஆண்டு டிசம்பர் மாதத்துடன் ஒப்பிடுகையில் தனியார் வீடுகள் விற்பனை 16 விழுக்காடு வீழ்ச்சி கண்டது. எக்சிகியூடிஃப் கொண்டோமினிய வீடுகளைச் சேர்க்காமல் கடந்த மாதத்தில் 322 புதிய தனியார் வீடுகள் விற்கப்பட்டன. கடந்த ஆண்டு டிசம்பர் மாதத்தில் 384 தனியார் வீடுகள் விற்கப்பட்டன. இந்தத் தகவலை நகர மறுசீரமைப்பு ஆணையம் நேற்று வெளியிட்டது. எக்சிகியூடிஃப் கொண்டோமினிய வீடுகளையும் சேர்த்து கடந்த மாதத்தில் 478 வீடுகள் விற்கப்பட்டன. எக்சிகியூடிஃப் கொண்டோமினிய வீடுகளையும் சேர்த்து கடந்த ஆண்டு டிசம்பர் மாதத்தில் 508 வீடுகள் விற்கப்பட்டன. புதிய தனியார் வீடுகளின் விற்பனையை சொத்து மேம்பாட்டு நிறுவனங்கள் தள்ளிவைத்துள்ளதால் தனியார் வீடுகளின் விற்பனை சரிந்துள்ளதாகத் தெரிவிக்கப்பட்டது.