சுடச் சுடச் செய்திகள்

போலிஸ் அதிகாரியின் துப்பாக்கியைப் பிடுங்க முயன்றவருக்குச் சிறை

வாகன விபத்தில் ஈடுபட்டதை அடுத்து போலிஸ் அதிகாரி யிடமிருந்து கைத்துப்பாக்கியைப் பறிக்க முயன்ற முன்னாள் சொத்து முகவரான 38 வயது ஹான் ஜிங்குக்கு நேற்று 11 மாத சிறைத் தண்டனையும் பிரம்படிக்குப் பதிலாக 12 வாரச் சிறைத் தண்டனையும் விதிக்கப்பட்டது. கடந்த ஆண்டு ஜனவரி 22ஆம் தேதியன்று தாம்சன் வட்டாரத்திலுள்ள சூ சோவ் டிரைவ், சூ சோவ் கார்டன் ரோடு சந்திப்பில் அந்த மாது இந்தக் குற்றத்தைப் புரிந்தார். விபத்து நிகழ்ந்த சூ சோவ் கார்டன் ரோட்டிற்கு இரு போக்குவரத்து போலிஸ் அதிகாரிகள் வந்தபோது ஓட்டுநர் ஹான் அங்கு காணவில்லை. அதிகாரிகள் பிறகு அவரை பேருந்து நிறுத்தத்தில் கண்டபோது விபத்து நிகழ்ந்த இடத்திற்கு வரச் சொன்ன போது முதலில் ஒத்துழைத்த ஹான், பின்னர் மறுபடியும் அங்கிருந்து சென்றுவிட்டார். அதிகாரிகள் மீண்டும் வலியுறுத்தி அவரைத் திரும்பி வரச் சொன்னபோது திடீரென ஹான் அதிகாரியிடமிருந்த கைத்துப்பாக்கியைப் பறிக்க முயன்றார். இதனையடுத்து ஹான் கைது செய்யப்பட்டார். 

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon