நன்யாங் தொழில்நுட்பப் பல்கலைக்கழகத்தைச் சேர்ந்த அறிவியலாளர்கள் மிகச் சிறிய ராடார் கேமராக்களைத் தயாரிப்பதற்கான சிறிய 'மைக்ரோசிப்'பை உருவாக்கியுள்ளனர். தற்போது பயன்பாட்டில் இருக்கும் சிறிய வகைச் சில்லுகளைவிட 100 மடங்கு சிறியவையாக இவை உள்ளன. ராடார் கேமராக்கள் பொதுவாக துணைக்கோள்களில் பயன்படுத்தப்படுகின்றன. இந்தப் புதிய தொழில்நுட்பத்தின் மூலம் 200 கிலோ கிராம் எடையுள்ள கேமாராக்களுக்குப் பதிலாக உள்ளங்கை அளவிலான சிறிய கேமராக்களைப் பயன்படுத்த முடியும்.
புதிய சில்லின் எடை 100 கிராமைவிடக் குறைவு என்பது குறிப்பிடத்தக்கது. புதிய வகை கேமராக்கள் பழைய கேமராக்களைவிட உயர்ந்த தரத்திலான புகைப்படங்களை எடுக்க வல்லவை எனக் கூறப்பட்டது. புதிய வகைக் கேமராக்களின் தயாரிப்புச் செலவு 20 மடங்கு குறைந்திருப்பதாகவும் மின்சாரப் பயன்பாடு 75% குறையும் எனவும் கூறப்பட்டது.