ஜூரோங் குழுத்தொகுதியில் மலையும் மடுவும் போல மூத்த அமைச்சர் தர்மன் சண்முகரத்னம் தலைமையிலான மசெக அணியும் சிங்கப்பூரின் ஆகப் புதிய அரசியல் கட்சியான ஒன்றுபட்ட சிவப்புப் புள்ளி (ரெட் டாட் யுனைட்டெட்) கட்சியும் மோதுகின்றன.
திரு தர்மன் தலைமையில் 2015ல் போட்டியிட்ட அணி ஆக அதிக வாக்குகளைப் பெற்று அதாவது 79 விழுக்காடு வாக்கு களைப் பெற்று வெற்றிபெற்றது.
ஒன்றுபட்ட சிவப்புப் புள்ளி கட்சி இரண்டு வாரங்களுக்கு முன்புதான் பதியப்பட்ட கட்சியாகும்.
அது போதிய வேட்பாளர்களைத் திரட்டுவதற்கே பெரும்பாடுபட்டு இருக்கிறது.
திரு தர்மன், 63, அணியில் வர்த்தக தொழில் மற்றும் வெளியுறவு அமைச்சுக்கான மூத்த நாடாளுமன்றச் செயலாளர் டான் வு மெங், 45, முன்னாள் எம்பியான ரஹாயு மஹ்ஸாம், 39, ஆகியோரும் ஸி யாவ் குவான், 35, ேஷான் ஹுவாங், 37, ஆகிய புதுமுகங்களும் இடம்பெற்று உள்ளனர்.
எதிர் அணியில் ரவி ஃபிலமோன், 52, மிச்சல் லீ, 43, அலெக் டோக் கிம் யாம், 55, ஆகியோர் உள்ளனர். இவர்கள் ஏற்கெனவே தேர்தல்களில் போட்டியிட்டு இருக்கிறார்கள். லியானா தமிரா, 33, நிக்கலஸ் டாங், 28, ஆகியோர் இதர வேட்பாளர்கள்.