‘மின்னிலக்கத் திறன்களை மேம்படுத்துதல் முக்கியம்’

வேலை தேடும் சிங்கப்பூரர்களுக்கு உதவுவதில் அரசாங்கம் தற்போது கவனம் செலுத்தி வர, மற்ற சிங்கப்பூரர்களும் தங்களது திறன் மேம்பாட்டுக்கு முக்கியத்துவம் கொடுக்க வேண்டும் என்று ஹாலந்து-புக்கிட் தீமா குழுத் தொகுதியின் மசெக வேட்பாளர் திருவாட்டி சிம் ஆன் (படம்) தெரிவித்தார். அண்மையில் கிளமெண்டி பகுதியில் வீவக வீடுகளில் வசிக்கும் குடியிருப்பாளர்களைச் சந்தித்த திருவாட்டி சிம் ஆன், தமிழ் முரசுக்கு அளித்த பேட்டியில் இவ்வாறு கூறினார்.

தற்போதைய கொவிட்-19 கிருமித்தொற்று சூழலில் மின்னிலக்கத் திறன்களின் முக்கியத்துவத்தை எவரும் மறுத்திட முடியாது என்று சுட்டிய திருவாட்டி சிம் ஆன், எதிர்காலத்தில் இத்தகைய மின்னிலக்கத் திறன்களும் ஆற்றல்களும் வேலையிடங்களில் அதிகம் மதிப்பிடப்படும் என்றார்.

இக்கட்டான இந்தச் சூழலிலிருந்து மீண்டு வருவதில்தான் அரசாங்கத்தின் கவனம் உள்ளது என்றும் சில வழிமுறைகள் அசெளகரியமாகத் தோன்றினாலும் மக்களின் ஒட்டுமொத்த பாதுகாப்பிற்காக இந்தக் கடினமான முடிவுகள் எடுக்கப்படுவதை மக்கள் உணர வேண்டும் என்றும் அவர் கேட்டுக்கொண்டார்.

ஹாலந்து-புக்கிட் தீமா வட்டாரம் பசுமையான இயற்கைச் சூழலை நிலைநாட்டும் வகையில் ரைஃபிள் ரேஞ்ச் இயற்கைப் பூங்காவின் புதுப்பிப்புப் பணிகளும் ரயில் பாதையின் மறுசீரமைப்புப் பணிகளும் மேற்கொள்ளப்பட்டு வருவதாக திருவாட்டி சிம் ஆன் சொன்னார்.

அனைவருக்கும் ஒரு பாதுகாப்பான சூழல் அவசியம் என்பதால் புதிய வசதிகள், குறிப்பாக மக்கள் ஒன்றுகூடும் இடங்களை உருவாக்கும்போது, நோய்ப் பரவல் தடுப்பு அம்சங்கள் கருத்தில் கொள்ளப்படும் என்றார் அவர்.

இதைத் தொடர்ந்து சமூக ஊடகங்களிலும் இணையத்திலும் தேர்தல் வேட்பாளர்களின் மீது அவதூறான கருத்துகள் பதிவாகி வரும் விவகாரம் குறித்து, அது சமநிலை இல்லாத களமாக அமைந்துவிடுகிறது என்று திருவாட்டி சிம் ஆன் குறிப்பிட்டார்.

இருப்பினும், இத்தளங்களைப் பயன்படுத்தி மக்கள் தங்களது கருத்துகளைப் பகிர்ந்துகொள்ள முன்வர வேண்டும்.

அவர்கள் ஆக்ககரமான கருத்துகளை அங்கு பகிர்ந்துகொள்ளலாம், நல்ல காரியங்களுக்கும் சமூக ஊடகங்கள் உதவும் என்றார் திருவாட்டி சிம் ஆன்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!