மாணவர் முரசு
இ-பேப்பர்
லிம் கியன் பெங் என்ற 46 வயது சிங்கப்பூரருக்கு ஐந்து குற்றச் சாட்டுகளின் பெயரில் 27 மாதம் சிறைத் தண்டனை விதிக்கப்பட்டு இருக்கிறது. அவர், வெளிநாடு களைச் சேர்ந்த 30 ஊழியர்களுக்கு வேலை அனுமதிகளைப் பெற்றார். செயல்படாத ஒரு நிறுவனத்துக் காக அவர் அந்த ஊழியர்களுக்கு வேலை அனுமதி பெற்றதாக நீதி மன்றத்தில் தெரிவிக்கப்பட்டது. வேலை அனுமதி பெற்றதும் அந்த ஊழியர்களைச் சொந்தமாக வேலை தேடிக்கொள்ளும்படி லிம் விட்டுவிட்டார்.
லிம் மீது 30 குற்றச்சாட்டுகள் சுமத்தப்பட்டன. இதர 25 குற்றச் சாட்டுகள் கவனத்தில் எடுத்துக் கொள்ளப்பட்டன. லிம் 2013 மே மாதத்திற்கும் 2013 நவம்பர் மாதத் திற்கும் இடையில் எம்என்எஃப் இன்வெஸ்ட்மெண்ட்ஸ் அண்ட் ஹோல்டிங்ஸ் பிரைவேட் லிமிட்டெட் என்ற நிறுவனத்திற்காக 30 வெளிநாட்டு ஊழியர்களுக்கு வேலை அனுமதி பெற்றார் என்பது புலன்விசாரணை மூலம் தெரிய வந்தது.
