மாணவர் முரசு
இ-பேப்பர்
சிங்கப்பூரில் ஸடாண்டர்ட் சார்டட் வங்கி சிங்கப்பூரர்களுக்கே முக்கியத்துவம் கொடுக்கிறது என்று மனிதவள அமைச்சர் லிம் சுவீ சே தெரிவித்துள்ளார். "அங்கு நிபுணர்கள், மேலாளர்கள், நிர்வாகிகள், தொழில் நுட்பர்களுக்கு மொத்தம் 1,400 வேலைகள் வழங்கப்படுகின்றன. அதில் 90 விழுக்காட்டுக்கும் அதிகமான வேலைகள் சிங்கப்பூரர்களுக்கு வழங்கப்படுகின்றன," என்றார் திரு லிம். "இதில் வெளிநாட்டு நிபுணர்கள், மேலாளர்கள், நிர்வாகிகள், தொழில்நுட்பர்கள் அல்லது எம்பிளாய்மெண்ட் பாஸில் வேலை பார்ப்பவர்கள் ஏழு விழுக்காட்டினர்தான். ஸடாண்டர்ட் சார்ட்டட் வங்கி சிங்கப்பூருக்கு நன்கு சேவையாற்றியுள்ளது," என்று அமைச்சர் கூறினார்.
சாங்கி பிஸினஸ் பார்க்கில் அமைந்துள்ள வங்கியின் இரண் டாவது கட்டடத்தின் திறப்பு விழாவில் அமைச்சர் பேசினார். 202,890 சதுர அடி நிலப் பரப்பளவைக்கொண்ட அக்கட்டடத்தை $45 மில்லியனுக்கு வங்கி வாங்கியுள்ளது. அங்கு ஏற்கெனவே ஆறு மாடிக் கட்டடத்தை ஸடாண்டர்ட் சார்ட்டட் வங்கி வைத்துள்ளது. இது இரண்டாவது கட்டடம். அந்த மரினா பே நிதி மையத்தில் முக்கிய குத்தகைக்காரராக வங்கி திகழ்கிறது.
