சிங்கப்பூரில் முதல் ஆயுர்வேத மாநாடு இன்று நடைபெறுகிறது

வில்சன் சைலஸ்

வாழ்க்கை­முறை குழப்­பங்களைச் சமா­ளிப்­பது, உணவில் மருந்து, உணவு ஒவ்வாமை, யோகாவில் சிரிப்புப் பயிற்சி போன்ற சுவா­ர­சி­ய­மான நிகழ்ச்­சி­களு­டன் இன்று அறி­மு­க­மா­கிறது அனைத்­து­லக ஆயுர்­வேத மாநாடு. சிங்கப்­பூ­ரின் ஆயுர்­வே­த மருத்­து­வர்­கள் சங்கம், இந்திய தூத­ர­கம், இந்­தி­யா­வின் ஆயுர்­வேத அமைச்சு ஆகி­ய­வற்­றால் முதன்­முறை­யாக சிங்கப்­பூ­ரில் ஏற்பாடு செய்­யப்­பட்­டுள்ள இந்த மாநாடு, இன்று ஷங்­­ரில்லா ஹோட்­ட­லில் தொடங்குகிறது. கல்வி மற்றும் சமூக, குடும்ப மேம்பாட்­டுக்­கான நாடா­ளு­மன்ற செய­லா­ளர் டாக்டர் முகம்­மது ஃபைசால் இப்­ரா­ஹிம் மாநாட்டை அதி­கா­ரப்­பூர்­வ­மாகத் தொடங்கி வைக்கிறார். மாநாட்­டில் புகழ்­பெற்ற ஆயுர்­வேத மருத்துவர்­க ­ளான டாக்டர் வர்ஷா சந்தோஷ், டாக்டர் ராம்குமார் குட்டி, டாக்டர் கங்கா­த­ரன் ஆகியோர் பங்­கேற்று பல்வேறு தலைப்­பு­களில் உரை­ யாற்றுகின்ற­னர்.

"சிங்கப்­பூ­ரில் கடந்த 15 ஆண்­டு­களில் ஆயுர்­வேத மருத்­து­வம் நன்கு வளர்ந்­துள்­ளது. தற்போது கிட்­டத்­தட்ட 12 ஆயுர்­வேத நிலை­யங்கள் இங்கு செயல்படுகின்றன. இதுகுறித்த கூடுதல் விழிப்­பு­ணர்வை ஏற்­படுத்­து­வதே இந்த மாநாட்­டின் நோக்கம்," என்று கூறினார் ஆயுர்­வே­த மருத்­து­வர்­கள் சங்கத்­தின் துணைத் தலைவரும் ஆயுஷ் ஆயுர்வேத மருத்துவ நிலைய மருத்துவருமான டாக்டர் அஜித்­கு­மார். பல்வேறு சமூக மன்றங்களில் பாரம்ப­ரிய இந்திய மருத்­துவ முறையான ஆயுர்­வேத வகுப்­பு­களை நடத்­தி­யுள்­ள­தாக குறிப்­பிட்ட டாக்டர் அஜித், பலரும் ஆயுர்வேதம் வழி பய­னடைந்­துள்­ளதைப் பகிர்ந்­து­கொண்டார். இன்றைய மாநாட்­டில் கிட்­டத்­தட்ட 200 பேர் கலந்­து­கொள்­வர் என எதிர்­பார்க்­கப்­படு­கிறது. மாநாட்­டிற்கு அனுமதி இல­வ­சம். இந்த ஒரு நாள் மாநாடு இன்று காலை 9.30 மணி முதல் மாலை 5.30 மணி வரை நடைபெ­றும். மேல் விவ­ரங்களுக்கு www.ay­u­r­v­e­di­cp­r­a­c­ti­ti­o­n­e­rs.org என்ற இணையத் தளத்தை நாடலாம்.