தோழியை அவமானப்படுத்திய உள்துறை அமைச்சின் அதிகாரிக்கு ஆறு மாத சிறைத் தண்டனை

தோழியை விடா­மல் துரத்தி அவமானப்படுத்திய குற்­றத்­திற்­காக உள்துறை அமைச்சு அதிகாரி ஒரு­வ­ருக்கு நீதி­மன்றம் நேற்று ஆறு மாதச் சிறைத் தண்டனை விதித்­துத் தீர்ப்­ப­ளித்­தது. ஏட்ரியன் கோ குவான் கியோங் என்ற 38 வயது அதிகாரி கடந்த ஆண்டு இந்தக் குற்­றத்தைப் புரிந்தார். இந்த மாதத்தில் இதுபோன்ற குற்றத்திற்காக தண்டனை பெறும் இரண்டாவது குற்றவாளி ஏட்ரியன் கோ. இதற்கு முன்பு லாய் ‌ஷி ஹெங் என்ற 26 வயது ஆட­வருக்கு இரண்டு வாரங்களுக்கு முன் ஓராண்டுச் சிறைத் தண்டனை வழங்கப்­பட்­டது. இது­கு­றித்து அர­சாங்க வழக்­க­றி­ஞர் தியா­கேஷ் சுகு­மா­றன் கூறும்­போது, “தண்டனை பெற்ற கோ திரு­ம­ண­மா­ன­வர். அவ­ருக்கு மூன்று குழ­ந்தை­கள் உள்­ளன. அவ­ரால் தொந்த­ரவு செய்­யப்­பட்ட பெண்­ணுக்கு வயது 25. அந்தப் பெண்­ணு­டன் 2011ஆம் ஆண்­டில் பழக்­க­மானார்.

“அந்த சம­யம் அந்தப் பெண் பல்­கலைக்கழ­கப் படிப்பு முடித்து விடு­முறை­யில் இருந்தார். அவர்­களின் முதல் சந்­திப்­பிற்­குப் பிறகு அவர்­களின் நட்பு தொடர்ந்தது. அந்தப் பெண்­மணி அரசு அலு­வ­ல­கம் ஒன்­றில் பணி­பு­ரியத் தொடங்­ கினார். அப்­போ­தும் அவர்­க­ளது உறவு தொடர்ந்தது. அவர்­கள் இரு­வ­ரும் ஒன்றாக இருக்­கும் போது அந்தப் பெண்­ம­ணியை அவ­ரது அனு­ம­தி­யு­டன் ஆடை­யின்றி கோ புகைப்­ப­டங்கள் எடுத்­துள்ளார். அந்தப் படங்களை எவ்­வகை­யி­லும் வெளி­யிட மாட்­டேன் என்று அந்தப் பெண்­ணுக்கு வாக்­கு­று­தி­ய­ளித்­தார். இந்­நிலை­யில் இரு­வ­ருக்­கு­மிடை­யே­யான உற­வில் விரி­சல் நேரிட்­டது.

“அந்தப் பெண்ணுக்­காக அதி­க­மா­கப் பணம் செல­வ­ழிப்­ப­தா­க­வும் ஆனால் அந்தப் பெண்­ணுக்கோ வேறு சில ஆட­வர்­களு­டன் நெருங்­கிய தொடர்பு உள்­ள­தா­க­வும் உணர்ந்தார். இதனால் இரு­வ­ருக்­கும் இடையே அடிக்­கடி வாக்­கு­வா­தம் ஏற்­பட்­டது. “இந்நிலையில் அந்தப் பெண்ணுடைய கைத்தொலைபேசி வாயிலாக அவரது அந்தரங்கப் படங்களை ‘வாட்ஸ்அப் குரூப்’பில் அனுப்பிவிட்டார் கோ.