புதிய டென்னிஸ் கழகம்

டென்னிஸை அனைத்து வயதினரும் விளையாட ஊக்குவிக்கும் நோக்கில் 'ஆக்டிவ் எஸ்ஜி' புதிய டென்னிஸ் கழகம் நேற்று அறிமுகமானது. ஆண்டு இறுதிக்குள் 4,000 சிறுவர்களை சேர்ப்பது கழகத்தின் இலக்கு. 'ஆக்டிவ் எஸ்ஜி'யின் கீழ் செயல்படும் நான்காவது விளையாட்டுக் கழகம் இது. ஏற்கெனவே, காற்பந்து, கூடைப்பந்து, திடல்தட கழகங்கள் அறிமுகமாகியுள்ளன.

"முடிந்தவரையில் பலருக்கு டென்னிஸை அறிமுகம் செய்வது இந்தக் கழகத்தின் நோக்கம். டென்னிஸ் விளையாட சிறுவர்களுக்கு வாய்ப்பளித்து இவ்விளையாட்டில் அவர்களுக்கு ஆர்வம் ஏற்படுத்துவதும் அதில் ஒன்று," என்று கூறினார் கலாசார, சமூக இளையர்துறை அமைச்சர் கிரேஸ் ஃபூ. தீவு முழுவதும் ஐந்து வட்டார கழகங்கள் அமைக்கப்பட வுள்ளன. அதில் இரண்டு காலாங் டென்னிஸ் சென்டரிலும் இயோ சூ காங்கிலும் இந்தாண்டு இறுதிக்குள் செயல்படத் துவங்கும். மூன்றாவது நிலையம் ஃபேரர் பார்க் டென்னிஸ் நிலையத்தில் அடுத்த ஆண்டு அமையும். மேல் விவரங்களுக்கு www.myactivesg.com/academy/tennis என்ற இணையப் பக்கத்தைப் பார்க்கவும்.