மாணவர் முரசு
இ-பேப்பர்
முன்னாள் காதலியின் அந்தரங்கப் படங்களை மடிக்கணினியில் காதலர் வைத்திருப்பதைக் கண்டு ஆத்திரம் அடைந்த இந்நாள் காதலி, காதலனின் முன்னாள் காதலியின் அந்த அந்தரங்கப் படங்களை இணையத்தில் உலவ விட்டு தனது ஆத்திரத்தைத் தீர்த்துக் கொண்டார். பகுதிநேர எழுத்தராகப் பணியாற்றும் இயோ மின் பிங் என்றழைக்கப்படும் இயோ ஹுய் கி என்பவர் தனது காதலரின் முன்னாள் காதலியின் அந்தரங்கப் படங்களை இணையத்தில் ஏற்றிய குற்றத்திற்காக அவருக்கு ஒரு மாதச் சிறைத் தண்டனை விதித்து நீதிமன்றம் நேற்று தீர்ப்பளித்தது. காதலரின் கணினியில் இருந்த படங்களை 'தம்ப்டிரைவ்' வாயிலாக எடுத்து அவற்றை படங்கள் பதிவேற்றும் இணையத் தளம் ஒன்றில் பதிவேற்றம் செய்தார். அந்தப் படங்கள் சேமிக்கப்பட்ட ஃபோல்டருக்கு "நாட்டினெஸ்" என்று பெயரிட்டார்.
மேலாடை இல்லாத வேறு ஒருவரின் படங்களுடன் இந்தப் பெண்ணின் முகத்தை இணைத்து, தனது காதலரின் முன்னாள் காதலியின் உண்மைப் பெயரையே இட்டு இணையத்தில் பதிவேற்றம் செய்துள்ளார். "டேட்டிங்" இணையத்தளம் உள்ளிட்ட தளங்களில் இந்தப் படங்களைப் பதிவேற்றம் செய்துள்ளார். அவர் •மீது சுமத்தப்பட்டுள்ள 3 குற்றங்களில் ஒன்றான யீஷுன் ஸ்திரீட் 61ல் உள்ள அவரது வீட்டில் இருந்து படங்களைப் பதி வேற்றம் செய்தததை இயோ ஒத்துக்கொண்டார். அவருக்கு $10,000 பிணை வழங்கப் பட்டுள்ளது.
இதுபற்றி கூறிய நீதிபதி லீ போ சூ, "இன்னொரு அப்பாவிப் பெண்ணின் வாழ்க்கையைச் சீரழித்துள்ளார்," இவருடைய இந்தச் செயல் முற்றிலும் வெறுக்கத்தக்கது," என்றார். இவர் இன்னொரு பெண்ணுக்கு இழைத்த தீங்கு கணக்கில் எடுத்துக்கொள்ளப்பட வில்லை. அந்தப் பெண்ணின் உண்மைப் பெயரில் இணையத்தில் உலா வரும் அந்தப் படங்களால் வாழ்க்கை முழுதும் அவர் பாதிக்கப்படுவார். "உங்களுக்கு அந்தப் அப்பாவிப் பெண் எந்தவிதத்திலும் கெடுதல் செய்யவில்லை. அவருக்கு ஏன் நீங்கள் இதுபோன்ற தண்டனையைக் கொடுக்க வேண்டும்?" என்று இயோவிடம் நீதிபதி கேட்டார். அதற்கான பதிலை இயோ சொல்லவில்லை.
