பேருந்தில் சிறுமி மானபங்கம்; 77 வயது முதியவருக்குச் சிறை

27 Aug 2016 06:53 | மாற்றம் செய்யப்பட்ட நாள் / நேரம்: 28 Aug 2016 09:09

பேருந்து ஒன்றில் 14 வயதுச் சிறுமியை மானபங்கப்படுத்திய குற்றத்திற்காக 77 வயது ஆடவருக்கு ஐந்து வார சிறைத் தண்டனை விதிக்கப்பட்டுள்ளது. சம்லாவி ஹாஜி சிராட் எனும் அந்த ஆடவர் தெம்பனிஸ் அவென்யூ 7ல் ஒரு பேருந்தில் கடந்த ஆண்டு பிப்ரவரி ஆறாம் தேதி பயணம் செய்துகொண்டிருந்தபோது அந்தச் சிறுமியின் தொடை யைத் தொட்டதை ஒப்புக்கொண்டார். 32 ஆண்டுகால திருமண வாழ்க்கைக்குப் பிறகு சம்லாவி விவாகரத்துப் பெற்றவர் என்றும் ஆயுதப் படை, போலிஸ் படையில் தொண்டூழியம் புரிந்தவர் என்றும் சம்லாவியின் வழக்கறிஞர் ஜி தினகரன் கூறினார். ஆறு பிள்ளைகளுக்குத் தந்தையும் தாத்தாவுமான சம்லாவி விசாரணையில் ஒத்துழைத்ததாகவும் தமது செய்கைகளுக்காக வருத்தப்பட்டதாகவும் திரு தினகரன் சொன்னார். சம்லாவிக்கு ஈராண்டுகள் வரை சிறைத் தண்டனையும் அபராதமும் விதிக்கப்பட்டிருக்கலாம்.