இ-பேப்பர்
அகமதாபாத்: இந்தியப் பிரதமர் நரேந்திர மோடி தனது பிறந்தநாளான நேற்று குஜராத்தில் வசித்துவரும் தனது தாயார் ஹிரா பென்னை சந்தித்து அவரது காலைத் தொட்டு வணங்கி ஆசி பெற்றார். பிரதமர் மோடி தனது ஒவ்வொரு பிறந்தநாளின்போதும் குஜராத்தில் தனது சகோதரருடன் வசித்துவரும் தாயார் ஹிரா பென்னை சந்தித்து அவரிடம் நல்லாசிகளைப் பெறுவது வழக்கம்.
அவ்வகையில், ரய்சன் பகுதியில் உள்ள தனது சகோதரர் பங்கஜ் மோடியின் வீட்டுக்கு நேற்று காலையில் சென்ற பிரதமர் மோடி, தற்போது 97 வயதாகும் தாயார் ஹிரா பென்னின் கால்களில் விழுந்து ஆசி பெற்றார். அவரிடம் சுமார் அரைமணி நேரம் பேசிக்கொண்டிருந்த மோடி, அங்கிருந்து புறப்பட்டுக் குஜராத் மாநில ஆளுநர் மாளிகைக்குச் சென்றார். அங்கிருந்து தகோட் மாவட்டத்துக்குச் செல்லும் அவர் பழங்குடியின மக்களுக்கான பல்வேறு நலத்திட்டங்களை நேற்று துவக்கிவைத்தார். நேற்றுப் பிற்பகலில் நவ்சாரி பகுதியில் நடைபெற்ற மாற்றுத்திறனாளிகளுக்கு நல உதவிகள் வழங்கும் விழாவில் கலந்துகொண்டு டெல்லி திரும்பினார்.
தனது 97 வயது தாயாரின் காலைத் தொட்டு வணங்கி ஆசி பெறும் பிரதமர் மோடி.
