வரும் டிசம்பர் மாதம் 1ஆம் தேதியிலிருந்து மை பேப்பருடன் இணைந்து தி நியூ பேப்பர் நாளிதழ் புதிய தோற்றத்துடன் வாசகர்களின் கைகளில் தவழ இருக்கிறது. புதிய தி நியூ பேப்பரை வாசகர்கள் இலவசமாகப் பெற்றுக்கொள்ளலாம். அதுமட்டுமல்லாது, தி நியூ பேப்பரின் இணையத்தளத்தி லிருந்து செய்திகளைத் தொடர்ந்து பெறலாம். புதுப் பொலிவுடன் காட்சி அளிக்க இருக்கும் தி நியூ பேப்பரின் அறிமுக நிகழ்ச்சி நேற்று முன்தினம் நடைபெற்றது. டிசம்பர் மாதம் 1ஆம் தேதியிலிருந்து தி நியூ பேப்பர் நாளிதழின் ஆசிரியராகப் பொறுப் பேற்க இருக்கும் திரு யூஜின் வீ அதன் புதிய தோற்றத்தை அறிமுகப்படுத்தினார். 42 வயது திரு வீ 1996ஆம் ஆண்டில் வேலை அனுபவப் பயிற்சி நிமித்தம் தி நியூ பேப்பர் நாளிதழ் அலுவலகத்துக்குள் காலடி எடுத்து வைத்தவராவார்.
சிங்கப்பூர் பிரஸ் ஹோல்டிங்ஸ் நிறுவனத்தின் உபகாரச் சம்பளத்தைப் பெற்று தொடர்பியல் துறையில் சிறப்புத் தேர்ச்சி பெற்ற திரு வீ, 1999ஆம் ஆண்டில் செய்தியாளராக தி நியூ பேப்பரில் வேலைக்குச் சேர்ந்தார். அதனைத் தொடர்ந்து படிப்படியாக உயர்ந்து செய்தி ஆசிரியரான திரு வீ, இனி அந்நாளிதழின் ஆசிரியராகப் பதவி உயர்வு பெற்று தலைமை தாங்க இருக்கிறார்.2016-10-25 06:00:00 +0800
தி நியூ பேப்பர் நாளிதழின் புதிய ஆசிரியராகப் பதவி ஏற்கவிருக்கும் திரு யூஜின் வீ. படம்: தி நியூ பேப்பர்