மாணவர் முரசு
இ-பேப்பர்
நவம்பர் மாத வாகன உரிமைச் சான்றிதழ்களுக்கான (சிஓஇ) முதலாவது ஏலக் குத்தகையில், கட்டணங்கள் ஏற்ற இறக்கமாக இருந்தன என்று நிலப் போக்குவரத்து ஆணையம் நேற்று அறிவித்தது 1,600 சிசிக்கு உட்பட்ட சிறிய கார்களுக்கான சிஓஇ கட்டணம், $50,991லிருந்து உயர்ந்து $52,668 ஆனது. 1,600 சிசிக்கு மேற்பட்ட பெரிய கார்களுக்கான சிஓஇ கட்டணம், $56,410லிருந்து $56,206க்கு குறைந்தது.
சரக்கு வாகனங்கள் மற்றும் பேருந்துகளுக்கான வர்த்தக வாகனப் பிரிவில் சான்றிதழ் கட்டணம் $45,589லிருந்து உயர்ந்து $48,001 ஆனது. பொதுப் பிரிவு வாகனங்களுக்கான சான்றிதழ் கட்டணம் $56,340லிருந்து $56,000 என்று குறைந்தது. மோட்டார் சைக்கிள்களுக்கான வாகன உரிமைச் சான்றிதழ் கட்டணம், $6,354 லிருந்து $43 குறைந்து $6,311 எனப் பதிவானது.
