நாயின் கழுத்தை நெரித்ததாகவும் கத்தியால் குத்தியதாகவும் குற்றச்சாட்டு

16 Feb 2017 06:00 | மாற்றம் செய்யப்பட்ட நாள் / நேரம்: 17 Feb 2017 06:06

தன் வளர்ப்பு நாயின் கழுத்தை நெரித்து அதைக் கொலை செய்ததாகவும் நாயைக் கத்தியால் குத்தியதாகவும் சூங் சூம் கியாட், 39, என்ற தினக்கூலி தொழிலாளி மீது குற்றம் சுமத்தப்பட்டு இருக்கிறது. அவர் 2016 அக்டோபர் 30ஆம் தேதி பிற்பகல் 4 மணிக்கும் 5 மணிக்கும் இடையில் தனது ஹவ்காங் அவென்யூ 8 அடுக்குமாடி வீட்டில் தன் பெண் நாயைத் துணியாலும் நாய் வாரைக்கொண்டும் கழுத்தை நெரித்ததாகவும் கத்தியால் அதைக் குத்தியதாகவும் கூறப்படுகிறது. அவர் வேளாண், உணவு கால்நடை ஆணைய உரிமம் இல்லாமல் அந்த நாயை மூன்று மாதத்திற்கும் அதிக காலம் வைத்திருந்ததாகவும் இரண்டாவது குற்றச்சாட்டு கூறுகிறது. இந்த வழக்கு மார்ச் 1ஆம் தேதி மீண்டும் நீதிமன்றத்திற்கு வரும்.