1,305 வீடுகளில் எரிவாயு சேவைத் தடை

ஜூரோங் வெஸ்ட்டில் நேற்று 1,300க்கு மேற்பட்ட வீடுகளில் எரிவாயு சேவைத் தடங்கல் ஏற்பட்டது. நிலத்தடிக் குழாயில் ஏற்பட்ட வாயு கசிவு காரணமாக பிற்பகலில் ஜூரோங் வெஸ்ட் ஸ்திரீட் 65ல் 12 வீவக புளோக்கு களில் எரிவாயு சேவை பாதிப்பு ஏற்பட்டதாகத் தெரிவிக்கப்பட்டது. சேதமடைந்த நிலத்தடி குழாயைச் சரிசெய்யும் பணியில் குத்தகையாளர் ஒருவர் ஈடு பட்டிருந்த வேளையில் பிற்பகல் 3.14 மணிக்கு சேவைத் தடங்கல் ஏற்பட்டதாகத் தெரிவிக்கப்பட்டது. எரிவாயுக் கசிவைத் தொடர்ந்து புளோக் 663டி=யின் வெற்றுத் தளத்தில் தீப்பிடித்தது. சிங்கப்பூர் குடிமைத் தற்காப்புப் படையினர் விரைந்து சென்று தீயை அணைத்தனர். பாதிக்கப்பட்ட பகுதியில் வசிப் போரின் பாதுகாப்புக்கு முக்கியத் துவம் கொடுத்து உடனடியாக அந்தப் பகுதிக்குப் பொறியாளர்கள் அனுப்பப்பட்டதாக எஸ்பி குழுமம் தெரிவித்தது.