அமைச்சர் விவியன் பூட்டான் பயணம்

15 May 2017 06:00 | மாற்றம் செய்யப்பட்ட நாள் / நேரம்: 16 May 2017 07:55

வெளியுறவு அமைச்சர் விவியன் பாலகிருஷ்ணன் நேற்று பூட்டானுக்குப் பயணம் மேற்கொண்டார். பூட்டானின் வெளியுறவு அமைச்சர் லியோன்போ டாம்சோ டார்ஜியின் அழைப்பை ஏற்று டாக்டர் விவியன் பாலகிருஷ்ணன் அந்நாட்டுக்குச் சென்றுள்ளார். அவர் வரும் புதன்கிழமை வரை அங்கு இருப்பார். சிங்கப்பூருக்கும் பூட்டானுக்கும் இடையில் அரசத்தந்திர உறவு 2002ஆம் ஆண்டில் தொடங்கியது. அதனைத் தொடர்ந்து, சிங்கப்பூர் வெளியுறவு அமைச்சர் பூட்டானுக்கு அதிகாரபூர்வப் பயணம் மேற்கொள்வது இதுவே முதல்முறை என்று வெளியுறவு அமைச்சு தெரிவித்துள்ளது. பூட்டான் மன்னரையும் பிரதமரையும் அமைச்சர் விவியன் பாலகிருஷ்ணன் சந்திக்கவிருக்கிறார். இருநாடுகளுக்கிடையிலான தொழில்நுட்பக் கல்வி ஒத்துழைப்பு தொடர்பான புரிந்துணர்வுக் குறிப்பு கையெழுத்திடப்படும்.