‘திருவாட்டி ஹோ பிரதமர் அலுவலகத்தைப் பிரதிநிதிக்கவில்லை’

சிங்கப்பூரின் முதல் பிரதமர் லீ குவான் இயூ பயன்படுத்திய பொருட்களில் சில பொருட்களை தேசிய மரபுடமை கழகத்திற்குக் கடனாகக் கொடுக்க பிரதமரின் மனைவியான ஹோ சிங் ஏற்பாடு செய்தார் என்றும் இப்படிச் செய்ததன் மூலம் அவர் பிரதமர் அலுவலகம் சார்பில் செயல்பட்டு இருக்கிறார் என்றும் கூறப்படுவது உண்மையா என்று நாடாளுமன்றத்தில் பாட்டாளிக் கட்சித் தலைவர் லோ தியா கியாங் கேள்வி எழுப்பினார். பிரதமர் லீ சியன் லூங் நேற்று இதற்குப் பதிலளித்தார். “திருவாட்டி ஹோ பிரதமர் அலுவலகத்தைப் பிரதிநிதிக்கவில்லை. அவர் ஆக்ஸ்லி ரோடு வீட்டில் இருந்த பொருட்களில் நான்கு பொருட்களைப் பார்த்து அவை தேசிய மரபுடமை கழகம் விரும்பக்கூடிய பொருட்களாக இருக்கும் என்று கருதினார். “அந்தப் பொருட்களை வாரியத்திற்கு அனுப்ப பிரதமர் அலுவலகம் வழியாக பிரதமர் லீ சியன் லூங் உதவினார்,” இவ்வாறு திரு லீ குறிப்பிட்டார். திருவாட்டி ஹோ பிரதமர் அலுவலகம் சார்பில் செயல்பட்டு இருக்கிறார் என்று கூறுவது மிகைப்படுத்தப்பட்ட ஒன்று என்று பாட்டாளிக் கட்சித் தலைவருக் குப் பிரதமர் பதில் அளித்தார்.

இப்பகுதியில் மேலும் செய்திகள்

மின்ஸ்கூட்டர் தடை: பாதிக்கப்பட்ட உணவு விநியோக ஓட்டுநர்களுக்கு ஆதரவாக 100க்கும் மேற்பட்ட பல்கலைக்கழக மாணவர்கள் குரல் கொடுத்துள்ளனர். (படம்: ஸ்ட்ரெய்ட்ஸ் டைம்ஸ்)

18 Nov 2019

உணவு விநியோக ஓட்டுநர்களுக்கு மாணவர்கள் ஆதரவுக் குரல்

‘கியட் ஹொங் குளோஸ்’ (Keat Hong Close) பகுதியில் அமைந்திருக்கும் புளோக் 805ல் இருக்கும் தடுப்பு வேலி ஒன்றில் டாக்சி மோதிய சம்பவம் படங்கள்: ஸ்டாம்ப்

18 Nov 2019

தடுப்பு வேலியில் மோதிப் பெண் டாக்சி ஓட்டுநரும் பயணியும் காயம்

தீயைக் கட்டுக்குள் கொண்டுவர உழைக்கும் தீயணைப்பு வீரர்கள் (படங்கள்: சிங்கப்பூர் குடிமைத் தற்காப்புப் படை/ ஃபேஸ்புக்)

18 Nov 2019

தை செங் எம்ஆர்டி நிலையம் அருகே தீ