பைனியர் ரோடு சாலை சந்திப்பில் வாகன விபத்து; ஒருவர் காயம்

26 Apr 2018 12:40 | மாற்றம் செய்யப்பட்ட நாள் / நேரம்: 27 Apr 2018 06:44

ஜூரோங் வெஸ்டிலுள்ள சாலைச் சந்திப்பில், கனரக வாகனம் ஒன்று காரை மோதியதில் ஒருவர் காயமடைந்தார். நேற்று காலை 9.15 மணிக்கு, உதவிக்கான அழைப்பு கிடைத்ததாக சிங்கப்பூர்க் குடிமைத் தற்காப்புப் படையினர் தெரிவித்தனர். பைனியர் ரோட்டுக்கும் ஜாலான் புரோவுக்கும் இடையிலான சாலைச் சந்திப்பில் விபத்து நடந்தது. அதில் காயமடைந்த ஆடவர், இங் டெங் ஃபோங் மருத்துவமனைக்கு சுயநினைவுடன் கொண்டுசெல்லப்பட்டதாக குடிமைத் தற்காப்புப் படையினர் தெரிவித்தனர். சாலைச் சந்திப்பிலுள்ள போக்குவரத்து விளக்குக் கம்பம் சிவப்பு விளக்கைக் காட்டியபோதும் கனரக வாகனம் நிறுத்தாமல் சென்றுகொண்டிருந்ததாகக் காட்டும் காணொளியை 'ரோட்ஸ்.எஸ்ஜி' தளம் பதிவேற்றம் செய்தது.