அரசாங்க திட்டம் ஒன்றில் முன்வைக்கப்பட்ட பொய்யான கோரிக்கைகள் குறித்த வழக்கு ஒன்றில் சம்பந்தப்பட்ட மோசடிக்காரரான எஸ்.சந்திரனுக்கு குறைந்தது நான்கு ஆண்டுகள், இரு மாதம் சிறைத் தண்டனை விதிக்குமாறு நீதிமன்றத்தில் நேற்று அரசாங்க தரப்பு வழக்கறிஞர் வலியுறுத்தினார்.
மாயாஜால வித்தை கலைஞரான 37 வயது சந்திரன், உற்பத்தி மற்றும் புத்தாக்க உதவித் திட்டத்தில் மோசடியான கோரிக்கைகளைச் சமர்ப்பிக்க 49 பேருக்கு உதவி இருந்தார்.
அதன் தொடர்பில் $1.1 மில்லியனுக்கும் அதிகமான வழங்கீட்டுத் தொகையைப் பெற அவர்கள் முயற்சி செய்தனர். உற்பத்தி, புத்தாக்க உதவித் திட்டத்தை நிர்வகிக்கும் உள்நாட்டு வருவாய் ஆணையம், கோரப்பட்ட தொகையில் $876,684ஐ வழங்கியது.
இந்த வழக்கில் மிகப் பெரிய அளவிலான தொகை சம்பந்தப்பட்டிருப்பதாக அரசாங்க தரப்பு துணை வழக்கறிஞர் வீ.ஜேசுதேவன் வலியுறுத்தினார்.
இந்த வழக்கில் சந்திரனை வழக்கறிஞர் எவரும் பிரதிநிதிக்கவில்லை. மாவட்ட நீதிபதி கெஸ்லர் சோவிடம் சந்திரன் முன்வைத்த தண்டனை குறைப்பு மனுவில், குடும்பத்தில் வருமானம் ஈட்டக்கூடிய ஒரே நபர் தாம் என்றும் தம்மிடம் இப்போது பணம் எதுவும் இல்லை என்றும் கூறினார். அவரது பெற்றோருக்கு சுகாதாரப் பிரச்சினைகள் இருப்பதாகவும் அவர் சொன்னார்.
திருமணமாகி ஒரு ஆண் பிள்ளைக்குத் தந்தையான சந்திரன், தாம் சிறையில் அடைக்கப்பட்டால் தமது அன்புக்குரிய வர்களின் நிலைமை என்னவாகும் என்பது குறித்து தமக்குத் தெரியாது என்று நீதிமன்றத்தில் கூறினார்.
வருமான வரி சட்டத்தின்கீழ், $400,000க்கும் அதிகமான வழங்கீட்டுத் தொகை, 'போனஸ்' தொடர்பிலான 18 குற்றச்சாட்டுகளை கடந்த ஆண்டு நவம்பரில் சந்திரன் ஒப்புக்கொண்டார். எஞ்சிய தொகையில் தொடர்பான 40 குற்றச்சாட்டுகளும் கருத்தில் கொள்ளப்பட்டன.
உற்பத்தி, புத்தாக்க உதவித் திட்ட கோரிக்கை மோசடி: சந்திரனுக்கு 50 மாத சிறைத் தண்டனை விதிக்க வலியுறுத்து
12 Feb 2019 06:00 | மாற்றம் செய்யப்பட்ட நாள் / நேரம்: 12 Feb 2019 09:01
Register and read for free!
உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம்.
மேலும் படிக்க இலவசக் கணக்கு தொடங்கவும்.
அண்மைய காணொளிகள்
மலேசியாவில் பயிற்சியின்போது விழுந்து நொறுங்கிய இரு ஹெலிகாப்டர்கள்.
பிரியா மனம், பிரியாணி மணம். முழு காணொளி தமிழ் முரசு செயலியில். Aaqil Indian Muslim food: 272 Bukit Batok East Ave 4, Block 272, Singapore 650272
ஏப்ரல் 21 அன்று இஸ்தானா பொது வரவேற்பு நிகழ்ச்சி
பலவாகன விபத்து: உயிரிழந்த இருவரில் தெமாசெக் தொடக்கக் கல்லூரி மாணவியும் ஒருவர்
ஆண்டர்சன் சிராங்கூன் தொடக்க கல்லூரி மாணவர்களால் நடத்தப்பட்ட ‘அக்னி 2024’
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
இன்னும் ஒரு செய்தியை இலவசமாக வாசிக்க
X
அதற்குள்ளாகவா? இந்தச் செய்திகளையும் படிக்கலாமே!
அதற்குள்ளாகவா?
இந்தச் செய்திகளையும் படிக்கலாமே!