முதிய ஊழியர்களுக்குப் பயிற்சியளிக்க அதிக முயற்சிகள் எடுக்கப்படலாம்

ஓய்­வு­பெ­றும் வயது மறு­வேலை வயது ஆகி­ய­வற்­றி­லும் மத்திய சேம நிதித் திட்­டத்­தி­லும் செய்­யப்­பட்­டுள்ள மாற்­றங்­கள், மக்­கள் பதவி ஓய்­வு­க்கா­லத்­துக்­குத் தங்­க­ளைத் தயார்ப்­ப­டுத்­திக்­கொள்­ள­வும் அந்­தக் காலத்தை மகிழ்ச்­சி­யு­டன் கழிக்­க­வும் வகை செய்­யும் என்று மனி­த­வள அமைச்­சர் டான் சீ லெங் நேற்று நாடா­ளு­மன்­றத்­தில் தெரி­வித்­தார்.

ஆனால் சட்­டங்­கள் ஒரு சஞ்­சீவி அல்ல என்­றும், வய­தான ஊழி­யர்­க­ளுக்கு பயிற்சி அளிப்­ப­தில் கூடுதல் முயற்சிகள் எடுக்கப்பட வேண்­டும் என்­றும் அவர் கூறி­னார்.

புதிய மாற்­றங்­க­ளின்­படி, ஓய்­வு­பெ­றும் வயது, மறு­வேலை வயது ஆகி­யவை படிப்­ப­டி­யாக முறையே 65 வய­துக்­கும் 70 வய­துக்­கும் உயர்த்­தப்­படும். தொடர்ந்து வேலை செய்ய விரும்­பும் முதிய சிங்­கப்­பூ­ரர்­க­ளுக்கு இந்த மாற்­றங்­கள் பல­ன­ளிக்­கும்.

மேலும் மத்­திய சேம நிதி தொடர்­பான விதி­கள் எளி­மை­யாக்­கப்­படும். அதன் மூலம் உறுப்­பி­னர்­கள் தங்­கள் ஓய்­வு­க்கா­லத்­தில் தங்­கள் சேமிப்­பு­களை வழங்­கீ­டு­க­ளா­கப் பெறு­வார்­கள்.

"மொத்­தத்­தில் இந்த மசோ­தாக்­கள் உறுப்­பி­னர்­கள் தங்­கள் ஓய்­வு­க்கா­லத்­துக்­குத் தயார்ப்­ப­டுத்தி, அதனை மகிழ்ச்­சி­யு­டன் கழிக்க உத­வும். ஆனால் அந்த வேலை அத்­து­டன் நின்­று­வி­டாது. முதிய ஊழி­யர்­கள் வேலை வாய்ப்பு தொடர்­பான அம்­சங்­களில் மேலும் முன்­னேற்­றத்­தைக் காண நாங்­கள் நம்­பிக்கை கொண்­டுள்­ளோம்," என்­றார் டாக்­டர் டான்.

பழைய ஊழி­யர்­க­ளுக்கு மட்­டு­மின்றி, எதிர்­கால மூத்த ஊழி­யர்­களுக்கும் மறு­ப­யிற்சி மற்­றும் வேலை­வாய்ப்பை எளி­தாக்கு­வ­தில் முத­லீ­டு­கள் செய்­யப்­பட வேண்­டும் என்­றார் அவர்.

தொழி­லா­ளர் சங்­கத்­தின் நிறு­வ­னப் பயிற்­சிக் குழுக்­கள் மற்­றும் கட்­ட­மைக்­கப்­பட்ட தொழில் திட்­ட­மி­டல் உரை­யா­டல்­கள் போன்ற முன்­மு­யற்­சி­களும் தொழி­லா­ளர்­களைத் தயார்­ப்ப­டுத்­து­வ­தில் முக்­கி­ய­மா­னவை என்று டாக்­டர் டான் மேலும் கூறி­னார்.

"வேலை­வாய்ப்­புக்கு முந்­தைய பயிற்­சி­யைப் போலவே தொடர்ச்­சி­யான கல்­வி­யும் பயிற்­சி­யும் முக்­கி­யம், இது எங்­கள் தொழி­லா­ளர்­கள் தங்­கள் திறன்­களை மேம்­ப­டுத்­து­வ­தற்­கும், தொடர்­பு­டை­ய­தாக இருப்­ப­தற்­கும், உல­க­ளா­விய போக்­கு­கள் மற்­றும் முன்­னேற்­றங்­க­ளு­டன் வேகத்தை தக்­க­வைப்­ப­தற்­கும் ஒரு வழி­மு­றை­யா­கும். அதே­வே­ளை­யில், சட்­டப்­பூர்வ ஓய்வு பெறும் வயது இன்­னும் தேவை," என்று அவர் கூறி­னார்.

"இந்­தப் பத்­தாண்டு இறு­திக்­குள் ஓய்வு வயது மற்­றும் மறு­வேலை வயதை முறையே 65 மற்­றும் 70 ஆக உயர்த்­து­வ­தற்­கான திட்­டம் லட்­சி­ய­மா­னது, ஆனால் அடை­யக்­கூ­டி­யது," என்று டாக்­டர் டான் கூறி­னார்.

இதற்­கி­டையே, டாக்­டர் டான் இணைத் தலை­வ­ராக இருக்­கும் பணி­யிட நேர்­மைக்­கான முத்­த­ரப்­புக் குழு எடுக்­கும் நட­வ­டிக்­கை­கள் முன்­னேற்­றம் அடைந்து, வயது முதிர்ச்­சி­யைச் சமா­ளிக்க மேலும் பல நட­வ­டிக்­கை­கள் மேற்­கொள்­ளப்­பட்டு வரு­கின்­றன. அடுத்த ஆண்டு முதல் பாதி­யில் பரிந்­து­ரை­களை இறுதி செய்­யும் என்று குழு நம்­பு­கிறது.

உறுப்பினர்களின் கேள்விக்குப் பதிலளிக்கும் வகையில் மறு­வேலை வாய்ப்பு பற்­றி­யும் பேசிய அமைச்­சர், "மறுவேலை­வாய்ப்பு கட்­ட­மைப்­பா­னது, முத­லாளி­க­ளுக்கு போது­மான நெகிழ்­வுத்­தன்­மையை அளிக்­கும் அதேவேளை­யில், மூத்த ஊழியர்­கள் தொடர்ந்து பணி­யாற்­று­வ­தற்­கான தேவையைச் சம­நிலைப்­ப­டுத்த வடி­வ­மைக்­கப்­பட்­டு உள்­ளது. இத­னால் வணி­கங்­கள் வேக­மா­ன­தா­க­வும் நிலை­யா­ன­தா­க­வும் இருக்­கும்," என்றார் அவர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!