தடுப்பூசி போட்டுக்கொள்ளாத முதியோர் எண்ணிக்கை பாதிக்கு மேல் குறைந்தது

தடுப்­பூசி போட்­டுக்­கொள்­ளாத, 60க்கும் மேற்­பட்ட வய­துள்ள முதி­ய­வர்­க­ளின் எண்­ணிக்கை ஆகஸ்ட்­டில் இருந்து பாதிக்கு மேல் குறைந்துவிட்­டது என்று சுகா­தார அமைச்­சர் ஓங் யி காங் நேற்று தெரி­வித்­தார்.

பல அமைச்­சு­களை உள்­ள­டக்­கிய கொவிட்-19 சிறப்­புப் பணிக்­குழு செய்­தி­யா­ளர் கூட்­டத்­தில் பேசிய அவர், இப்­போது தடுப்­பூசி போட்­டுக்­கொள்ளாமல் இருக்கும் முதி­ய­வர்­க­ளின் எண்­ணிக்கை 64,000க்கும் குறைவு என்­றார். இந்த எண்­ணிக்கை ஆகஸ்ட் மாத தொடக்­கத்­தில் 175,000 ஆக இருந்­தது. சிங்­கப்­பூர் தடுப்­பூசிக் குழு­வி­ன­ரின் கடும் உழைப்பு கார­ண­மாக இந்த எண்­ணிக்கை பெரி­தும் குறைந்து இருக்­கிறது என்­றார் அவர்.

"இதை நாம் செய்­தி­ருக்­க­வில்லை என்­றால் நமது மருத்­து­வ­மனை, தீவிரப் பரா­ம­ரிப்புப் பிரி­வு­கள் ஏற்­கெ­னவே நிரம்பி வழிந்­தி­ருக்­கும்," என்று அவர் குறிப்­பிட்­டார். இந்த ஆண்டு ஜூலை முதல் 27,000 முதியவர்­கள் உள்­ளிட்ட 70,000 பேருக்கு கொவிட்-19 தடுப்­பூ­சியை நட­மா­டும் தடுப்­பூ­சிக் குழுக்­கள் போட்டு இருக்­கின்­றன என்று அவர் மேலும் கூறி­னார். இந்­தக் குழுக்­கள், நேற்று முதல் தேசிய தடுப்­பூ­சி செயல்­திட்­டத்­தின்­கீழ் சினோ­வேக்- கொரே­னா­வேக் தடுப்­பூ­சி­யை­யும் போடு­வ­தா­கக் குறிப்­பிட்­டார்.

அக்­டோ­பர் 30 முதல் இந்­தத் தடுப்­பூ­சியை முதல் முறை­யா­கப் போட்­டுக்­கொள்ள 2,900க்கும் மேற்­பட்ட மக்­கள் முன்­வந்­த­னர். அவர்­களில் 500 பேர் முதி­ய­வர்­கள்.

பூஸ்­டர் தடுப்­பூசி பற்றி குறிப்­பிட்ட அவர், நவம்­பர் 4ஆம் தேதி நில­வ­ரப்­படி, 60 மற்­றும் அதற்­கும் அதிக வய­துள்ள முதி­ய­வர்­களில் 85 விழுக்­காட்­டி­னர் பூஸ்­டர் தடுப்­பூ­சி­யைப் போட்­டுக்­கொண்டு இருக்­கி­றார்­கள் அல்­லது அதற்கு முன் ­ப­திவு செய்து இருக்­கி­றார்­கள் என்­றார்.

இந்த ஆண்டு முடி­வில், மக்­கள் தொகை­யில் ஏறத்­தாழ பாதிப்­பேர் பூஸ்­டர் தடுப்­பூ­சி­யைப் பேட்­டுக்­கொண்டு இருப்­பார்­கள் என்று தான் எதிர்­பார்ப்­ப­தா­க­வும் அவர் கூறினார்.