ஒர்க் பர்மிட் படிவத்தில் பொய்யான தகவல்கள்; தம்பதிக்கு ஆறு வாரச் சிறை

பணிப்­பெண்­ணுக்கு ஒர்க் பர்­மிட் ேகட்டு விண்­ணப்­பிக்­கும் படி­வத்­தில் பொய்­யான தக­வல்­களை அளித்த தம்­ப­திக்கு ஆறு வாரச் சிறைத் தண்­டனை விதிக்­கப்­பட்­டுள்­ளது.

கே சியவ் ஹுவா, 58, அவ­ரது கண­வர் வூன் மெங் ஃபாட், 61 ஆகிய இரு­வ­ரும் கூட்டு சேர்ந்து பொய்­யா­ன தக­வல்­களை அளித்­த­தா­கக் கூறப்­பட்­டது.

கடந்த நவம்­பர் 24 ஆம் தேதி இதே குற்றச்சாட்டுக்காக பணிப்­பெண் பிரான்டே ஜீன் டெல்­மோ­வுக்­கும் ஆறு வாரச் சிறைத் தண்­டனை விதிக்­கப்­பட்­டது.

அந்த 35 வயது பணிப் பெண் சிங்­கப்­பூ­ரில் பணி­யாற்­ற­வும் தடை விதிக்­கப்­பட்­டது.

கடந்த 2018 ஆகஸ்ட் மாதம் தனது அலு­வ­ல­கத்­தின் விருந்­தி­னர் தங்­கு­வி­டு­தி­யில் வேலைக்குச் சேர்க்க டெல்­மோவை திரு­மதி கே நேர்­கா­ணல் செய்­தார்.

டெல்­மோ­வுக்கு எஸ்-பாசுக்குப் பதி­லாக ஒர்க் பர்­மிட் விண்­ணப்­பிக்க இரு­வ­ரும் சம்­ம­தித்­த­னர்.

ஆனால் கேயின் வீட்­டில் ஏற்­கெ­னவே ஒரு பணிப்­பெண் வேலை­யில் இருந்­த­தால் தமது கண­வர் வூனை 'ஒர்க் பர்­மிட்' விண்­ணப்­பிக்க கேட்டுக் கொண்டார். இதை­ய­டுத்து வூன் தமது சார்­பில் ஒர்க் பர்­மிட் விண்­ணப்­பத்தை சமர்­ப்பித்­தார். அதில் சிறப்பு உதவி ேதவைப்­படும் தனது தாயா­ருக்­கும் சகோ­த­ர­ருக்­கும் பணிப்­பெண் தேவைப்­ப­டுவதாக அவர் குறிப்­பிட்­டி­ருந்­தார்.

அவ­ரது விண்­ணப்­பம் ஏற்­றுக் கொள்­ளப்­பட்­ட­தை­ய­டுத்து 2018 அக்­டோ­பர் மாதம் டெல்மோ சிங்­கப்­பூர் வந்து அவ­ரது வீட்­டில் பணி­யாற்­றத் தொடங்­கி­னார்.

ஒரு வரு­டம் வேலை பார்த்த நிலை­யில் மூவ­ரும் பொய்­யா­ன தக­வல்­களை அளித்த விவ­கா­ரம் தெரிய வந்­தது.

2017 ஜூன் முதல் 2019 அக்­டோ­பர் வரை­யில் தகு­தி­யான வொர்க் பர்­மிட் இல்­லா­மல் பீலிப்­பீன்ஸ் நாட்­ட­வ­ரான அலின்­சங்­கன் என்­ப­வரை பணிப்­பெண்­ணாக வேலைக்கு அமர்த்­தி­ய­தற்­காக நவம்பர் 2ஆம் தேதி திருமதி கேவுக்கு மேலும் 9,000 வெள்ளி அபராதம் விதிக்கப் பட்டது.