தென்கொரியா செல்ல பயணிகள் ஆயத்தம்; அமெரிக்காவில் இருந்து வருவோருக்கு வசதி

கொவிட்-19க்கு எதி­ராக தடுப்­பூசி போட்­டுக்­கொண்­ட­வர்­கள் நாளை முதல் தென்­கொ­ரி­யா­வுக்கு விமானப் பய­ணம் மேற்­கொள்ள கதவு திறக்­கப்­ப­டு­கிறது.

இதற்கு பய­ணி­கள் ஆயத்­த­மாகி வரு­கி­றார்­கள். இந்­தப் பய­ணம் பற்றி சென்ற மாதம் அறி­விக்­கப்­பட்­டது.

இதன்­படி தென்­கொ­ரியா செல்­லும் பய­ணி­கள் தனிமை உத்­த­ரவை நிறை­வேற்ற வேண்­டிய தேவை இருக்­காது. சிங்­கப்­பூ­ருக்­கும் தென்­கொ­ரி­யா­வுக்­கும் இடை­யில் இடம்­பெ­றும் இத்­த­கைய முதல் பயண ஏற்­பாடு இதுவே ஆகும்.

தென்­கொ­ரி­யா­வில் குளிர்­கா­லம் நெருங்­கு­கிறது. பல சிங்­கப்­பூ­ரர்­களுக்கு இது பிடித்­த­மான ஒன்­றாக இருக்­கிறது. கொரிய கலா­சா­ர­மும் சிங்­கப்­பூ­ரர்­கள் விரும்­பும் ஒன்று என்­ப­தும் குறிப்­பி­டத்­தக்­கது.

இத­னி­டையே, தடுப்­பூசி போட்­டுக்­கொண்ட பய­ணி­க­ளுக்­கான பயண ஏற்­பாட்­டின்­கீழ், அமெ­ரிக்­கா­வில் இருந்து சிங்­கப்­பூர் வர­விரும்­பும் பய­ணி­கள், தடுப்­பூசி போட்­டுக்­கொண்­ட­தைக் காட்­டும் தங்­கள் பத்­தி­ரங்­களை இப்­போது நேரடியாக தாக்­கல் செய்­ய­லாம்.

இவர்­கள் மின்­னி­லக்க ரீதி­யில் தடுப்­பூசி சான்­றி­த­ழைத் தாக்­கல் செய்­வ­தில் சிர­மத்தை எதிர்­நோக்கி இருந்­தார்­கள்.

அந்­தப் பய­ணி­கள் இப்­போது நேரடி சான்­றி­த­ழை­யும் தடுப்­பூசி போட்ட நிறு­வ­னத்­தின் கையொ­ப்­பத்­து­டன் கூடிய கடி­தத்­தை­யும் தாக்­கல் செய்­ய­லாம் என்று சிங்கப்­பூர் சிவில் விமா­னப் போக்­கு­வரத்து ஆணை­யம் நேற்று தெரி­வித்­தது.

அவர்­கள் மின்­னி­லக்­கச் சான்றி­த­ழை­யும் தாக்­கல் செய்ய முடி­யும் என்று இந்த ஆணை­யத்­தின் விமா­ன ­நி­லைய செயல்­முறை, விமா­னப் போக்­கு­வ­ரத்து பாது­காப்­புத் துறை இயக்­கு­நர் திரு­வாட்டி மார்கரெட் டான் நேற்றுத் தெரி­வித்­தார்.