சிங்கப்பூர் முழுவதும் வெளிப்புறங்களில் இருக்கின்ற 7,000க்கும் மேற்பட்ட மின்திரைகளில் கடந்தகால தேசிய தின அணிவகுப்புகளைக் காட்டும் 200 படங்கள் திரையிடப்படுகின்றன,
அத்தகைய மின்திரைகள், 313@ சோமர்செட், ஜெம், விவோசிட்டி, பல்வேறு ஃபேர்பிரைஸ் கடைகள் போன்ற இடங்களில் எடுப்பாக அமைந்துள்ளன.
எம்ஆர்டி வட்டப்பாதை, கிழக்கு-மேற்கு வழித்தடம், வடக்கு-தெற்கு வழித்தடம் ஆகியவற்றில் அமைந்துள்ள 92 எம்ஆர்டி நிலையங்களிலும் படங்களைக் காணலாம்.
வரலாற்று முக்கியத்துவம் வாய்ந்த அந்தப் படங்கள், எஸ்பிஎச் மீடியா டிரஸ்ட் நிறுவனத்தின் ஆவணக் காப்பகத்தின் படங்கள். முதல் தேசிய தின அணிவகுப்பு நடந்த 1966ஆம் ஆண்டு முதல் அவை கடந்தகால வரலாற்றைக் காட்டுகின்றன.
அந்தப் படங்களை எடுத்தவர்கள், தமிழ்முரசு, ஸ்ட்ரெய்ட்ஸ் டைம்ஸ், சாவ் பாவ், ஷின் மின் டெய்லி நியூஸ், பெரித்தா ஹரியான் ஆகியவற்றைச் சேர்ந்த படக் கலைஞர்கள்.
அந்தக் கண்காட்சி ஆகஸ்ட் 18ஆம் தேதி வரை நடக்கும்.
ஆகஸ்ட் 12ஆம் தேதி முதல் ஆகஸ்ட் 18ஆம் தேதி வரை வெளிப்புற மின்திரைகள் அனைத்தும் இந்த ஆண்டு அணிவகுப்பின் சிறப்புகளைக் காட்டும்.