லண்டன்: இந்தக் காற்பந்துப் பருவத்தில் இங்கிலிஷ் பிரிமியர் லீக்கில் சொந்த அணிக்கு எதிராக கோல் போட்டவர்களின் எண்ணிக்கையில் நான்காவது நபராக சேர்ந்துள்ளார் வெஸ்ட் பிரோம்விச் ஆல்பியன் குழுவின் கிரெய்க் டோசன். ஆனால், நேற்று டோட்டன் ஹம் ஹாட்ஸ்பர் குழுவுக்கு எதிரான ஆட்டத்தில் முதலில் தமது குழுவுக்கு எதிராக கோல் போட்ட டோசன் பின்னர் அதற்கு பிராயச்சித்தமாக ஸ்பர்ஸ் எதிராகவும் கோல் போட்டு ஆட்டத்தை இறுதியில் 1-1 என சமநிலைப்படுத்தினார்.
இதனால், பிரிமியர் லீக்கில் வரும் ஞாயிற்றுக்கிழமை மான்செஸ்டர் யுனைடெட்டுக்கு எதிரான ஆட்டத்தில் லெஸ்டர் குழு வெற்றி பெறுமானால் அதற்கு மேல் அந்தக் குழு எஞ்சியுள்ள ஆட்டங்களின் வெற்றி தோல்வி பற்றிய கவலை இல்லாமலே பிரிமியர் லீக் பட்டத்தை வென்றுவிடும். நேற்றைய ஆட்டத்தின் 33 ஆம் நிமிடத்தில் கிரெய்க் டோசன் தமது அணிக்கு எதிராக கோல் போட்டதும் ஸ்பர்ஸ், லெஸ்டர் குழுக்களிடை யேயான புள்ளிகள் வித்தியாசம் குறைந்து லெஸ்டர் லீக் வெற்றியாளர் விருதுக்காக இறுதிவரை போராட வேண்டி யிருக்குமோ என அனைவரும் நினைத்தனர். ஆனால், இரண் டாம் பாதி ஆட்டத்தில் சக வீரர் கிரெய்க் கார்ட்னர் கொடுத்த பந்தை தலையால் முட்டி ஸ்பர்ஸ் கோல் வலைக்குள் புகுத்தி தமது முந்தைய தவற்றை சரிசெய்தார் டோசன்.
சொந்த அணியான வெஸ்ட் பிரோம்விச் குழுவிற்கு எதிராக கோல் போட்டு சங்கடத்தில் சிக்கிய கிரெய்க் டோசன் (வலம், சிவப்பு சீருடையில்) ஸ்பர்ஸ் அணிக்கு எதிராகவும் கோல் போட்ட மகிழ்ச்சியில் கொண்டாட ஆயத்தமாகிறார். படம்: ஏஎஃப்பி