வண்ணத்துப் பூச்சி பாணி நீச்சலில் சிங்கப்பூரின் ஜோசஃப் ஸ்கூலிங் வெற்றி

16 May 2016 07:04 | மாற்றம் செய்யப்பட்ட நாள் / நேரம்: 17 May 2016 06:59

அட்லாண்டா: சிங்கப்பூர் நீச்சல் வீரர் ஜோசஃப் ஸ்கூலிங் அமெரிக்காவின் அட்லாண்டா நகரில் நேற்று முன்தினம் நடைபெற்ற நீச்சல் போட்டிகளில் 200 மீட்டர் வண்ணத்துப் பூச்சி பாணி நீச்சல் போட்டியில் முதலாவதாக வந்து விருது வென்றுள்ளார். முன்னதாக இவர் வெள்ளிக்கிழமை இதே பாணி நீச்சல் போட்டியில் 100 மீட்டர் போட்டிக்கான விருதை வென்றார் என்பது குறிப்பிடத்தக்கது. சனிக்கிழமை நடந்த 200 மீட்டர் போட்டியில் ஸ்கூலிங் எடுத்துக்கொண்ட நேரம் 1 நிமிடம் 57.37 வினாடிகள். இவருக்கு அடுத்த நிலையில் வந்த பேஸ் கிளார்க் என்பவர் 1 நிமிடம் 58.03 வினாடிகளில் அதே தூரத்தைக் கடந்தார்.