கிண்ணம் வென்ற பார்சிலோனா

கேனிங்: ஸ்பானிய மன்னர் கிண்ணக் காற்பந்து தொடரை வென்றுள்ளது பார்சிலோனா. இறுதி ஆட்டத்தில் மோதிய செவ்வியா, பார்சிலோனா ஆகிய இரு குழுக்களுமே கோல் எதுவும் போடவில்லை. ஆனால், கூடுதல் நேரத்தின் போது இரண்டு கோல்கள் அடித்த பார்சிலோனா 28வது முறையாக இந்தக் கிண்ணத்தைக் கைப்பற்றி உள்ளது. ஆட்ட நேரத்தின்போது கோல் எதுவும் போடாதபோதும் இரு குழுக்களின் ஆட்டக்காரர்களும் தப்பாட்டம் காரணமாக வெளியேற்றப்பட்டனர். பார்சிலோனாவின் ஜாவியர் மஸ்கரானோ முதல் பாதி ஆட்டத்தின் கெவின் கமிரோவின் சட்டையைப் பிடித்ததற்காக 36வது நிமிடத்தில் நேராக சிவப்பு அட்டை பெற்று வெளியேற்றப்பட்டார்.

அதேபோல், செவ்வியாவின் எவர் பனோகாவிற்கும் நெய்மாரை தள்ளிவிட்டதற்காக 92வது நிமிடத்தில் நேராக சிவப்பு அட்டை பெற்றார். அவரைத்தொடர்ந்து டேனியல் காரிகோ தப்பாட்டம் காரணமாக மஞ்சள் அட்டையும் கோபமாக நடந்துகொண்டதற்காக மற்றொரு மஞ்சள் அட்டையும் பெற்று கூடுதல் நேரத்தின் கடைசி பகுதியில் வெளியேற்றப்பட்டார். 97வது நிமிடத்தில் முதல் கோலைப் போட்டார் அலப். அவரைத்தொடர்ந்து 122வது நிமிடத்தில் மெஸ்சி கடத்தியப் பந்தைக் கோலாக மாற்றினார் நெய்மார். எனவே, 2-1 என்ற கோல்கணக்கில் பார்சிலோனா செவியாவை வீழ்த்தி கிண்ணத்தைக் கைப்பற்றியது.

லா லீகா கிண்ணத்தை வென்ற கையோடு ஸ்பானிய மன்னர் கிண்ணத்தையும் வென்ற மகிழ்ச்சியைத் தங்கள் குழந்தைகளோடு கொண்டாடும் பார்சிலோனா வீரர்கள். படம்: ஏஎஃப்பி

இப்பகுதியில் மேலும் செய்திகள்

அதிரடி ஆட்டக்காரர் கிறிஸ் கெய்ல், இளம் ஆல்ரவுண்டர் சேம் கரன் என இருவரை ஒரே ஓவரில் வெளியேற்றி ஆட்டத்தில் திருப்புமுனையை ஏற்படுத்திய நேப்பாள சுழற்பந்து வீச்சாளர் சந்தீப் லமிசானேவை (இடது) பாராட்டி மகிழும் டெல்லி அணித்தலைவர் ஷ்ரேயாஸ். படம்: ஏஎஃப்பி

22 Apr 2019

பழிதீர்க்கப்பட்ட பஞ்சாப்

இன்னும் ஐந்து ஆட்டங்கள் எஞ்சியிருக்கும் நிலையிலேயே இந்தப் பருவத்தின் இத்தாலிய லீக் பட்டத்தை வென்ற மகிழ்ச்சியில் ஆர்ப்பரிக்கும் யுவென்டஸ் காற்பந்துக் குழு ஆட்டக்காரர்கள் (இடமிருந்து) யுவான் குவட்ரடோ, பிளேஸ் மட்விடி, கிறிஸ்டியானோ ரொனால்டோ, எம்ரி கேன். படம்: ஏஎஃப்பி

22 Apr 2019

ரொனால்டோ வரலாற்றுச் சாதனை