கட்டுக்கோப்பாக விளையாடி இத்தாலி அணி வெற்றி

லியோன்: நேற்று அதிகாலை பிரான்சின் லியோன் நகரில் பெல்ஜிய அணியை யூரோ கிண்ண காற்பந்துப் போட்டியில் எதிர் கொண்ட இத்தாலிய அணி கட்டுக்கோப்பான விளையாட்டால் 2-0 என்ற கோல் எண்ணிக்கையில் வாகை சூடியது. இந்த அணியை எதிர்த்துக் களம் கண்ட பெல்ஜிய அணியில் ஈடன் ஹசார்ட், ரொமேலு லுக்காக்கு, கெவின் டி பிரய்ன, போன்ற புகழ்பெற்ற நட்சத்திரப் பட்டாளம் இருந்தபோதிலும் அவர்களால் ஒரு குழுவாக இணைந்து விளையாட முடியவில்லை. யூரோ கிண்ணக் காற்பந்துப் போட்டிகள் தொடங்கு முன்னர் இத்தாலிய அணி பற்றி யாருமே பெருமையாகப் பேசவில்லை.

இந்த அணியின் நிர்வாகியான அண்டோனியோ கோம்டேகூட, “எங்கள் நாட்டுக் காற்பந்துக்கு இது சரியான நேரமில்லை,” என்று கருத்துரைத்திருந்தார். ஆனால், அவர் கூடவே, “விளையாட்டாளர் களிடையே சரியான குழு உணர்வு இருக்க வேண்டும். இதற்காக நான் பெருமுயற்சி எடுத்துக் கொண்டுள்ளேன்,” என்று கூறி னார். நேற்றைய ஆட்டத்தை வைத் துப் பார்க்கும்போது அவர் இதை நன்றாகவே சாதித்துள்ளார் என்று தெரிவதாக பிபிசி செய்தித் தகவல் கூறுகிறது. ஆட்டத்தின் 32ஆம் நிமிடத்தில் லியோனார்டோ பொனுச்சி கொடுத்த பந்தை இமேனுவல் கியக்கேரினி லாவகமாக பெல்ஜிய கோல் வலைக்குள் செலுத்தினார்.

இத்தாலி வீரர் இமேனுவல் கியக்கேரினி (இடக்கோடி, எண் 23 சீருடையில்) பெல்ஜியத்துக்கு எதிரான முதல் கோலை போடுகிறார்.

இப்பகுதியில் மேலும் செய்திகள்

இங்கிலாந்தின் மூன்றாவது கோலைப் போடும் ரஹீம் ஸ்டெர்லிங். (வலது படம்) போர்ச்சுகலின் கிறிஸ்டியானோ ரொனால்டோவிடம் பந்து சென்றுவிடாதபடி பார்த்துக்கொள்ளும் உக்ரேன் வீரர்கள். படங்கள்: ராய்ட்டர்ஸ், இபிஏ

24 Mar 2019

ஸ்டெர்லிங் ஹாட்ரிக்; இங்கிலாந்து அபார வெற்றி