மார்சே: யூரோ கிண்ணக் காற்பந் தில் முதன்முதலாக அடியெடுத்து வைத்துள்ள ஐஸ்லாந்து அணி அத்தொடரில் தனது முதல் வெற் றியைப் பதிவு செய்யக் கிடைத்த அருமையான வாய்ப்பை நழுவ விட்டது. நேற்று முன்தினம் இரவு நடந்த ஹங்கேரிக்கு எதிரான 'எஃப்' பிரிவு ஆட்டத்தின் 39வது நிமிடத்தில் பெனால்டியின் மூலம் கில்ஃபி சிகர்ட்சன் போட்ட கோலால் முன்னிலைக்குச் சென்றது ஐஸ் லாந்து. கிட்டத்தட்ட ஆட்டத்தின் இறுதி வரை அதே நிலை நீடித்த போதும் 88வது நிமிடத்தில் சொந்த கோல் போட்டு அவ்வணி தன் தலையில் தானே மண்ணை அள்ளிப் போட்டுக்கொண்டது.
சொந்த கோல் போட்டு தமது அணியின் வெற்றி வாய்ப்பை நொறுங்கச் செய்த சோகத்தில் ஐஸ்லாந்து ஆட்டக்காரர் பிர்கிர் சவர்சன் (வலது). படம்: ராய்ட்டர்ஸ்