மாணவர் முரசு
இ-பேப்பர்
சாவ் பாவ்லோ: பிரேசிலில் நேற்று முன்தினம் நடைபெற்ற எஃப்1 கார் பந்தயத்தில் மெர்சடிஸ் அணியின் லூயிஸ் ஹேமில்டன் வாகை சூடி உள்ளார். சக வீரர் நிக்கோ ரோஸ்பர்க் இரண்டாவது இடத்தைப் பிடித்தார். இந்த வெற்றியின் மூலம் புள்ளிப் பட்டியலில் ரோஸ்பர்க்கை ஹேமில்டன் நெருங்கி உள்ளார். தற்போது ரோஸ்பர்க் வெறும் 12 புள்ளிகள் வித்தியாசத்தில் முன்னிலை வகிக்கிறார், இதனால் எஃப்1 பந்தயத்தின் மாபெரும் வெற்றியாளர் அபு தாபியில் நடைபெற இருக்கும் கடைசி பந்தயத்தில் நிர்ணயிக் கப்படுவார்.
இதுவரை ஹேமில்டனும் ரோஸ்பர்க்கும் தலா ஒன்பது பந்தயங்களை வென்றுள்ளனர். அபு தாபியில் ஏற்படும் முடிவைப் பொறுத்தே மகுடம் சூடும் வீரர் யார் என்பது உறுதியாகும். தகுதிச் சுற்றில் முதலிடத்தில் வந்த ஹேமில்டன் நேற்று முன்தினம் நடைபெற்ற பந்தயத்தை முன்வரிசையில் இருந்து ஆரம்பித்து வைத்தார். கடைசி வரை யாரும் தம்மை முந்திச் செல்லாதபடி பார்த்துக் கொண்ட ஹேமில்டன் வெற் றியைச் சுவைத்தார்.
வெற்றி பெற்ற மகிழ்ச்சியில் லூயிஸ் ஹேமில்டன். படம்: ராய்ட்டரஸ்
