மட்ரிட்: நட்சத்திர ஆட்டக்காரர் கிறிஸ்டியானோ ரொனால்டோ 'ஃப்ரீ கிக்' மூலம் அருமையாக கோலடித்தும் ஸ்பானிய அரசர் கிண்ணக் காற்பந்துப் போட்டியில் காலிறுதிச் சுற்றிலேயே ரியால் மட்ரிட் குழு வெளியேற நேர்ந்தது. செல்ட்டா வீகோ குழுவுடனான காலிறுதி இரண்டாம் சுற்று ஆட்டம் 2-2 என்று சமநிலையில் முடிந்தது. காலிறுதி முதல் சுற்று ஆட்டத்தில் 2-1 என்ற கோல் கணக்கில் வென்று, ஒட்டுமொத்த கோல் அடிப்படையில் 4-3 என முன்னிலை பெற்றதால் செல்ட்டா குழு அரையிறுதிக்குத் தகுதி பெற்றது.
பல ஆட்டக்காரர்கள் காயம் அடைந்து வெளியிலிருந்த நிலை யில், டேனிலோ சொந்த கோல் அடித்ததும் ரியாலுக்குப் பின்ன டைவாக அமைந்தது. ரொனால்டோ அடித்த அற்புத கோல் அந்த முன்னிலையை ஈடு செய்தது. இருப்பினும், ஆட்டம் முடிய ஐந்து நிமிடங்கள் இருந்தபோது கோலடித்து செல்ட்டாவை மீண் டும் முன்னிலைக்குக் கொண்டு சென்றார் டேனியல் வாஸ். கூடுதல் நேரத்தில் லூக்காஸ் வாஸ்குவெஸ் போட்ட கோலால் ரியால் தோல்வியிலிருந்து தப்பி யது. இல்லையெனில், கடைசி யாகத் தான் ஆடிய நான்கு போட்டிகளில் 3வது தோல்வியை அது சந்தித்திருக்கும்.