‘லிவர்பூல் வீரர்களே! விழித்தெழுங்கள்’

லண்டன்: லிவர்பூல் காற்பந்துக் குழுவிற்கு இந்த ஆண்டு மிக மோசமான ஆண்டாக அமைந்து இருக்கிறது. 2017ல் இதுவரை லிவர்பூல் ஐந்து இங்கிலிஷ் பிரிமியர் லீக் ஆட்டங்களில் விளையாடியுள்ள போதும் இன்னும் ஓர் ஆட்டத்தில் கூட வெல்லவில்லை. மூன்று ஆட்டங்களில் சமநிலையும் இரு ஆட்டங்களில் தோல்வியும் கண்டு உள்ளது.

அதிலும், பட்டியலில் 'ரெலி கேஷன்' நிலையிலுள்ள ஹல் சிட்டி குழுவிடம் நேற்று முன்தினம் 2-0 என்ற கோல் கணக்கில் தோற்றது லிவர்பூல் ரசிகர்களுக்குப் பேரதிர்ச்சியைத் தந்தது. ஹல் சிட்டி சார்பில் பங்கேற்ற முதல் ஆட்டத்திலேயே கோலடித்து அசத்தினார் ஆல்ஃபிரட் டியாயே. ஆட்டம் முடிய ஆறு நிமிடங்கள் இருந்தபோது ஒமர் நியாஸ் அடித்த கோலால் ஹல் சிட்டியின் வெற்றி உறுதியானது.

தடைகளை முறியடித்து கோலடிக்க முயலும் ஹல் சிட்டி வீரர் ஹெர்னாண்டஸ் (இடது). படம்: ராய்ட்டர்ஸ்