ஒரு நாள் போட்டி: ஆஸ்திரேலியாவுடன் பொருதுகிறது இந்தியா

ஹைதராபாத்: ஆஸ்திரேலிய கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. 2 ஆட்டம் கொண்ட 20 ஓவர் போட்டியை ஆஸ்திரேலியா 2-0 என்ற கணக்கில் வென்றது. விசாகப்பட்டினத்தில் நடந்த முதல் 20 ஓவர் போட்டியில் 3 விக்கெட் வித்தியாசத்திலும், பெங்களூரில் நடந்த 2வது போட்டியில் 7 விக்கெட் வித்தியாசத்திலும் ஆஸ் திரேலியா வென்றது.
அடுத்து இரு அணிகளும் 5 போட்டிகளைக்கொண்ட ஒரு நாள் தொடரில் விளையாடவுள்ளன. இதில் முதல் ஒரு நாள் போட்டி இன்று ஹைதராபாத்தில் பிற்பகல் 1.30 மணிக்கு நடக்கிறது. 
விராத்கோஹ்லி தலைமையி லான இந்திய அணியில் ரோகித் சர்மா, ‌ஷிகர் தவான், அம்பதி ராயுடு, கேதர் ஜாதவ் டோனி, லோகேஷ், ராகுல், ரி‌ஷப்பண்ட் ஆகிய பந்தடிப்பாளர் உள்ளனர்.
பந்து வீச்சில் பும்ரா, முகமது சமி, சுழற்பந்து வீச்சாளர்கள் குல் தீப் யாதவ், சாஹல் ஆகியோர் உள்ளனர். 20 ஓவர் தொடரை இழந்ததால் ஒரு நாள் போட்டித் தொடரை வெல்ல வேண்டிய கட்டாயத்தில் இந்தியா உள்ளது.

இப்பகுதியில் மேலும் செய்திகள்

செக் குடியரசின் ஸ்லாவியா பிராக் குழுவிற்கு எதிரான யூரோப்பா லீக் காலிறுதி இரண்டாம் ஆட்டத்தில் முற்பாதியிலேயே செல்சி நான்கு கோல்களை அடித்தது. முதல் கோலை அடித்து செல்சியின் கோல் கணக்கைத் தொடங்கிவைத்த பெட்ரோவே (இடது) அக்குழுவின் கோல் வேட்டையையும் முடித்து வைத்தார். அவரைப் பாராட்டும் சக செல்சி ஆட்டக்காரர் செஸார் அஸ்பிலிகுவெட்டா. படம்: ராய்ட்டர்ஸ்

20 Apr 2019

அரையிறுதியில் ஆர்சனல், செல்சி