உலகம் முழுவதும் உழைப்பாளர் தினத்தை முன்னிட்டு பல தலைவர்கள் வாழ்த்துகளைத் தெரிவித்து வருகின்றனர்.
அந்த வகையில் நடிகர் விஜய் சேதுபதி தனது இன்ஸ்டாகிராம் பக்கத்தில் ஒரு புகைப்படத்தைப் பதிவு செய்துள்ளார். அதில் அண்மையில் மறைந்த இயக்குநர் ஜனநாதன் அவர்களின் புகைப்படத்திற்கு மாலை அணிவித்து மரியாதை செலுத்தும் காட்சி உள்ளது.
விஜய் சேதுபதி, ரமேஷ் திலக் உள்பட 'லாபம்' படக்குழுவினர் அனைவரும் உழைப்பாளர் தினத்தில் உண்மையான உழைப்பாளரும் கம்யூனிஸ்ட்வாதியுமான இயக்குநர் ஜனநாதன் அவர்களுக்கு அஞ்சலி செலுத்திய புகைப்படம் தற்போது பரவலாக பகிரப்பட்டு வருகிறது.
விஜய் சேதுபதி, ஷ்ருதிஹாசன் நடிப்பில் ஜனநாதன் இயக்கத்தில் உருவான 'லாபம்' திரைப்படம் விரைவில் வெளியாக உள்ளது.