லண்டன்: மான்செஸ்டர் யுனைடெட் காற்பந்துக் குழுவிற்குத் திரும்பி உள்ள போர்ச்சுகல் வீரர் கிறிஸ்டியானோ ரொனால்டோவால் 40 வயதுவரை விளையாட முடியும் என்று இங்கிலாந்து நட்சத்திரம் வெய்ன் ரூனி தெரிவித்து இருக்கிறார்.
சென்ற மாதம் இத்தாலியின் யுவென்டஸ் குழுவிலிருந்து வெளியேறிய 36 வயதான ரொனால்டோ, யுனைடெட் சார்பில் மீண்டும் ஈராண்டுகாலம் விளையாட ஒப்பந்தம் செய்துகொண்டுள்ளார்.
இந்நிலையில், "கோலடிப்பதில் கைதேர்ந்தவராகத் திகழ்கிறார் ரொனால்டோ. அந்த அளவிற்கு அவர் தமது ஆட்டமுறையை மெருகேற்றியுள்ளார்," என்று புகழாரம் சூட்டினார் ரூனி.
ரொனால்டோ தமது உடற்பராமரிப்பிலும் மிகுந்த கவனம் செலுத்துவதாகக் குறிப்பிட்ட ரூனி, அவரது உடல்நிலையைப் பார்க்கும்போது, 40 வயதுவரை அவர் விளையாடினாலும் அது வியப்பளிப்பதாக இராது என்றும் சொன்னார்.