மீண்டும் ரொனால்டோ

பெர்­காமோ: சாம்­பி­யன்ஸ் லீக் காற்­பந்­துப் போட்­டி­யில் இது­வரை மான்­செஸ்­டர் யுனை­டெட்டை காப்­பாற்றி வந்­துள்ள கிறிஸ்­டி­யானோ ரொனால்டோ நேற்று நடை­பெற்ற போட்­டி­யி­லும் யுனை­டெட்­டுக்கு கைகொ­டுத்து உத­வி­னார்.

நேற்று அதி­காலை அட்­ட­லான்­டா­வு­டன் நடை­பெற்ற போட்­டி­யில் முதல் பாதி ஆட்ட முடி­வில் கோல் போட்டு 1-1 என சம­நிலை காண உத­விய ரொனால்டோ ஆட்­டத்­தின் கூடு­தல் நேரத்­தில், 91வது நிமி­டத்­தில், தமது இரண்­டா­வது கோலை போட்டு மான்­செஸ்­டர் யுனை­டெட் 2-2 என சம­நிலை காண வைத்­தார்.

சாம்­பி­யன்ஸ் லீக் காற்­பந்­துப் போட்­டி­யில் இது­வரை யுனை­டெட் சார்­பாக நான்கு ஆட்­டங்­களில் ஐந்து கோல்­கள் போட்டு தன்னை ஈடு இணை­யற்ற வீர­ராக முன்­னி­றுத்­தி­யுள்­ளார். ஆட்­டத்­தின் 12வது நிமி­டத்­தில் டுவான் ஸப்­பாட்டா என்­ப­வர் கொடுத்த பந்தை கோல் வலைக்­குள் ஜோசிப் இலி­சிச் என்­ப­வர் போட அட்­ட­லான்டா முன்­னிலை பெற்­றது. ஆட்ட ஆரம்­பத்­தில் மூன்று தற்­காப்பு வீரர்­க­ளைக் கொண்டு விளை­யா­டிய யுனை­டெட் வரான் என்ற தற்­காப்பு வீரர் காயம் கார­ண­மாக வெளி­யே­றி­ய­தும் பழை­ய­படி நான்கு தற்­காப்பு வீரர்­கள் என தனது உத்­தியை மாற்­றிக்­கொண்­டது. மற்­றோர் தற்­காப்பு வீர­ரான விக்­டர் லிண்­ட­லாவ் என்­ப­வ­ரும் காயம் கார­ண­மாக விளை­யாட முடி­யாத நிலை ஏற்­ப­டவே பல நாட்­க­ளுக்கு விளை­யா­டா­மல் இருந்த எரிக் பாயி என்ற வீரர் கள­மி­றக்­கப்­பட்­டார்.

யுனை­டெட் நிர்­வா­கி­யான சோல்­சி­யாரை நேற்று காப்­பாற்­றி­யது எரிக் பாயி என்று கூறி­னால் அது மிகை­யா­காது. அவர் இல்லை எனில் மேலும் ஒன்­றி­ரண்டு கோல்­கள் யுனை­டெட்­டுக்கு எதி­ரா­கப் போயி­ருக்­கக்­கூ­டும் என்­பதே காற்­பந்து ரசி­கர்­க­ளின் கருத்து.

பின்­னர், இரண்­டாம் பாதி­யில் ஆட்­டத்­தின் 56வது நிமி­டத்­தில் ஸப்­பாட்டா யுனை­டெட் தற்­காப்பு அரணை உடைத்து தமது பங்­குக்கு ஒரு கோல் போட்டு அட்­ட­லான்­டாவை மீண்­டும் முன்­னிலை பெற வைத்­தார்.

எல்­லாம் முடிந்­தது, யுனை­டெட்டை இந்த ஆட்­டத்­தில் காப்­பாற்ற முடி­யாது என யுனை­டெட் ரசி­கர்­கள் சோர்ந்துபோன நிலை­யில், மேசன் கிரீன்­வுட் அனுப்­பிய பந்தை அட்­ட­லான்டா கோல் எல்­லைக்கு வெளியே இருந்து ரொனால்டோ வீறு­கொண்டு உதைக்க அதுவே யுனை­டெட்டை காப்­பாற்றி ஆட்­டத்தை 2-2 என முடிய வைத்­தது.