மாணவர் முரசு
இ-பேப்பர்
‘கபாலி’, ‘பரியேறும் பெருமாள்’, ‘கஜினிகாந்த்’, ‘டானாக்காரன்’ உள்ளிட்ட பல படங்களில் குணச்சித்திர வேடங்களில் நடித்து வந்த நடிகர் லிங்கேஷ் கதாநாயகனாக நடிக்கும் படம் ‘காலேஜ் ரோடு’.
கல்வி நிலையங்களில் உள்ள மிக முக்கிய பிரச்சினையைப் பற்றி பேசும் படமாக இது இருக்கும் என்கிறார் இயக்குநர் ஜெய் அமர்சிங்.
“இளையர்களின் வாழ்வில் கல்வி எந்த அளவுக்கு அவசியம் என்பதை அனைவரும் உணர வேண்டும். எனினும் அந்தக் கல்வியின் நிலை இன்று என்னவாக இருக்கிறது, அது அனைவருக்குமான படமாக உள்ளதா, எதிர்கால சந்ததியினருக்கு கல்வி என்னவாக இருக்கப் போகிறது என்பதைப் பற்றி விரிவாக அலசியுள்ளோம்.
“பரபரப்பான திருப்பங்களோடு காதல், நட்பு, நகைச்சுவை உள்ளிட்ட வணிக அம்சங்களும் நிறைந்த படமாகவும் இருக்கும். கல்லூரி மாணவர்களை மனதில் வைத்து இந்தப் படத்தை எடுத்துள்ளோம்,” என்கிறார் ஜெய் அமர்சிங்.
படம் விரைவில் வெளியாக உள்ள நிலையில், மிகத் தரமான படைப்பாக உருவாகி உள்ளது என தனது பாராட்டுகளைத் தெரிவித்துள்ளார் இயக்குநர் பா.ரஞ்சித். இதுவே தங்களுக்கு கிடைத்துள்ள முதல் வெற்றி என இப்படக்குழுவினர் உற்சாகத்துடன் கூறுகின்றனர்.
இதேபோல் படத்தின் சிறப்புக் காட்சியைப் பார்த்த கல்லூரி மாணவர்களும் பெரிதும் பாராட்டியுள்ளனர். அப்ரோ இசையமைத்துள்ள இப்படத்தில் மோனிகா நாயகியாக நடித்துள்ளார்.
எதிர்வரும் டிசம்பர் 30ஆம் தேதி படம் வெளியாகிறது. ஆனந்த்நாகு, அன்சர், அக்சய்கமல், ‘நாடோடிகள்’ பரணி, ‘மெட்ராஸ்’ வினோத் ஆகியோர் முக்கிய கதாபாத்திரங்களில் நடித்திருக்கிறார்கள்.
, :
